07.11.2024 | 22:50
Ահաբեկչության մեղադրանքով 5 տարվա ազատազրկման դատապարտված դպրոցականի պատժաչափը կրճատել են 24 օրով
Մեկ դարի ընթացքում գլոբալ տաքացման հետևանքով ամբողջական երկրներ կարող են անցնել ջրի տակ․ The Guardian
Քաղաքականություն
10.08.2021 | 15:42
1.5C-ից բարձր գլոբալ տաքացումը աղետալի կլինի Խաղաղօվկիանոսյան կղզիների համար և կարող է հանգեցնել ամբողջական երկրների ոչնչացման՝ մեկ դարում ծովի մակարդակի բարձրացման պատճառով, զգուշացրել են փորձագետները, գրում է The Guardian-ը:
Խաղաղ օվկիանոսը վաղուց դիտվել է որպես «պոտենցիալ վտանգի ցուցանիշ» կլիմայական ճգնաժամի առումով, քանի որ տարածաշրջանը տուժել է մակընթացություններից, աղետալի ցիկլոններից, ջրում աղի քանակի բարձրացումից, ինչը անհնարին է դարձրել մշակաբույսերի աճեցումը, կայուն երաշտներից և ցածրադիր գոտիներում գտնվող կղզիների կորստից՝ ծովի մակարդակի բարձրացման պատճառով: Ակնկալվում է, որ այս ճգնաժամերը կավելանան հաճախականությամբ և սրությամբ, քանի որ աշխարհը գնալով ավելի է տաքանում:
Կլիմայի փոփոխության միջկառավարական հանձնաժողովը (IPCC) երկուշաբթի հրապարակել է գլոբալ տաքացման վերաբերյալ իր նշանավոր զեկույցը, որում նշվում է, որ ջերմոցային գազերի արտանետումները պետք է կրկնակի կրճատվեն` կլիմայի տաքացումը կանխելու համար։
«IPCC զեկույցը շատ տագնապալի է», – ասել է ՄԱԿ -ում Ֆիջիի դեսպանը և մշտական ներկայացուցիչ Սաթենդրա Փրասադը:
«Այն գերազանցում է մեր ենթադրություններն ու գնահատականները․․․ այն առաջ է բերում որոշ աղետալի սցենարներ, որոնց մասին մենք մտածում էինք Խաղաղ օվկիանոսում ՝ ծովի մակարդակի բարձրացման, ցածրադիր հողերի կորստի և մեկ դարի ընթացքում ամբողջական երկրների հնարավոր կորստի մասին: Այս բաների ժամկետները, մենք, անշուշտ, շատ ավելի ենք մոտեցրել»,- ասել է նա:
IPCC- ի զեկույցը ներկայացրել է հինգ սցենար` հիմնված CO2- ի և ջերմոցային գազերի արտանետումների տարբեր մակարդակների վրա: Զեկույցում նկարագրված արտանետումների բարձր և շատ բարձր սցենարների համաձայն` կանխատեսվում է, որ դարի վերջում գլոբալ տաքացումը կհասնի համապատասխանաբար 3.6C և 4.4C-ի: Նույնիսկ միջանկյալ սցենարով 2C- ի գլոբալ տաքացման գերազանցման հավանականությունը չափազանց մեծ կլինի:
Զեկույցը պարզել է, որ գլոբալ տաքացման յուրաքանչյուր 0.5 աստիճանը հանգեցնում է ջերմային ալիքների, հորդառատ անձրևների, երաշտների և եղանակային ծայրահեղ երևույթների ինտենսիվության և հաճախականության բարձրացման։
Պրասադն հայտնել է, որ գլոբալ տաքացման ազդեցությունը տարիներ շարունակ զգացվել է Խաղաղ օվկիանոսյան տարածաշրջանի երկրներում։
«Աղետալի ջրհեղեղներն ու փոթորիկները տեղի են ունենում զգալի հաճախականությամբ. 50-ից 100 տարին մեկ անգամ գրանցվող իրադարձություններն այժմ տեղի են ունենում յուրաքանչյուր 10 տարին մեկ: Անմիջապես կարելի է ենթադրել, որ աղետալի ցիկլոնները, սուպեր ցիկլոնները, երկարատև երաշտը, շատ ավելի հաճախակի և շատ ավելի ինտենսիվ կդառնան Խաղաղօվկիանոսյան փոքր կղզիներում», – ասել է նա:
Տաթև Ֆռանգյան
