31.07.2026 | 00:19
Կոնֆերենցիաների լիգա. «Ալաշկերտը» 10 ֆուտբոլիստով պարտվեց «Կլուժին»
Դուք այդպես էլ իշխանություն չդարձաք. Իշխան Սաղաթելյան․ ՏԵՍԱՆՅՈւԹ
Քաղաքականություն
10.08.2021 | 11:49
«Այն գործադիր իշխանությունը, որը շրջափակել է ՀՀ Սահմանադրական դատարանը, այն ԱԺ-ն, որի պատգամավորները իրենց կուսակցության ղեկավարի հրահանգով կազմակերպել են դատարանների շրջափակումը, այդ իշխանությունը և քաղաքական մեծամասնությունն իրավունք չունեն խոսելու արդարադատության համակարգից և այդ համակարգում բարեփոխումներ իրականացնելուց»,- այս մասին ԱԺ նիստում ելույթ ունենալով՝ նշեց ԱԺ փոխխոսնակ, «Հայաստան» խմբակցության անդամ Իշխան Սաղաթելյանը:
«Հայտարարեցիք վեթինգ, ասացիք՝ արդարադատության համակարգից հեռացնում ենք կոռումպացված դատավորներին, բայց պարզվեց վերադարձնում եք կոռումպացված դատավորներին, նույնիսկ նրանց, որոնց ձեր ասած՝ կոռումպացված նախկին իշխանությունը հեռացրել էր դատական համակարգից: Խոսում եք օրենքի դիկտատուրայից. սիրելի՛ հայրենակիցներ, դա բլեֆ է: Եթե խոսքը օրենքի և իրավունքի գերակայության մասին է և օրենքի իրավահավասարության մասին է, դա շատ լավ է, բայց դուք դրա հետ որևէ կապ և առնչություն չունեք, ձեր բոլոր բարեփոխումների մեկնարկը սկսվում է մեկ կետից՝ ամրապնդել ձեր իշխանությունը»- նշեց Սաղաթելյանը:
«Պրոբլեմն այն է, որ դուք այդպես էլ իշխանություն չդարձաք, դեռ շարունակում եք ձեզ պահել ընդդիմության պես»,- նշեց Սաղաթելյանը՝ հավելելեվ, որ աշխարհում չկա ոչ մի երկիր, որտեղ իշխանությունն իր բոլոր ձախողումների համար մեղադրի ընդդիմությանը:
Մանրամասները՝ տեսանյութում:
