14.02.2026 | 23:13
Ալիևը Ռուսաստանին մեղադրել է Կիևում Ադրբեջանի դեսպանատանը հարվածելու համար
Անդրանիկ Քոչարյանը կաշկանդված է, ճշմարտությունը չի ասում. Արամ Վարդևանյան․ ՏԵՍԱՆՅՈւԹ
Քաղաքականություն
10.08.2021 | 11:27
Այս ամբիոնից օգտագործվում է արտահայտություն, որ 2008 թ.-ին բանակը գնդակահարել է մարդկանց. նման տիտանական մասշտաբի սուտ չի կարող լինել։ Այս մասին ԱԺ-ում հայտարարեց «Հայաստան» խմբակցության պատգամավոր Արամ Վարդևանյանը։
Վարդևանյանի դիտարկմամբ՝ ՀՔԾ-ն 3 տարի ամեն ինչ արել է, ինչ կարելի էր անել այս իշխանություններին հաճոյանալու համար.
«Մի՛ ասեք նման ստեր այն էլ այն ամբիոնից, որը տարբեր բարձր բնութագրումներ է ստանում ձեզանից։ Բանակն ապահովե՞լ է հասարակական կարգ, այո՛։ Բանակը ներգրավվե՞լ էր հասարակական կարգի պահպանության մեջ, այո՛… Ինչու Անդրանիկ Քոչարյանը կամ «Մարտի 1-ի» ցույցերին մասնակցող գործընկերները չե՞ն հիշում՝ ինչպես էր պաշտպանության փոխնախարարի անունը Ազատության հրապարակից բարձրաձայնվում, որ գա»։
Վարդևանյանը նշեց, որ երբ որ Անդրանիկ Քոչարյանն Մարտի 1-ի ամբողջ քրեական գործի ծավալին տիրապետի, այդ ժամանակ կխոսի իր հետ։
«Ձեզանից շատերը Շուշիում պարում էին, քեֆ էին անում։ Շուշին ազատագրելու պատմությունը շատ լավ վերընթերցե՛ք, ուսումնասիրեք՝ ովքեր են մասնակցել Շուշիի ազատագրման կոնկրետ մարտական գործողությանը։ Ուսումնասիրեք դրանում թե՛ Ռոբերտ Քոչարյանի մասնակցությունը, թե՛ Սեյրան Օհանյանի։
Անդրանիկ Քոչարյանն իր խոսքում ասում է՝ Արցախյան առաջին պատերազմի ժամանակ շրջան է եղել, որ վիճակը բարդ է եղել, նույնիսկ նահանջ ենք ունեցել, հետո հաղթել ենք. ճիշտ է ասում պարոն Քոչարյանը, ուղղակի պարոն Քոչարյանը երևի քաղաքական հայացքներով կաշկանդվածությամբ պայմանավորված՝ ամբողջ ճշմարտությունը չի ասում։ Նա չի ասում, որ Արցախում այդ ժամանակ ձևավորվել էր Պետական պաշտպանության կոմիտե, նա չի ուզում այս ամբիոնից ասել, որ Պետական պաշտպանության կոմիտեի նախագահը Ռոբերտ Քոչարյանն էր, որը լինելով, փաստացի, Արցախի ղեկավար, մասնակցում էր Շուշիի ազատագրման օպերացիային»,- նշեց Վարդևանյանը:
Մանրամասները՝ տեսանյութում:
