18.12.2025 | 23:24
ՀՀ տարածքում ավտոճանապարհները հիմնականում անցանելի են
Հունաստանի տարածքում վերջին մի քանի օրվա ընթացքում 586 հրդեհ է գրանցվել
Քաղաքականություն
10.08.2021 | 11:35
Աննախադեպ շոգի ու երաշտի պատճառով Հունաստանի տարածքում վերջին մի քանի օրերի ընթացքում 586 հրդեհ է գրանցվել։ Այս մասին օգոստոսի 9-ին հայտարարել է երկրի վարչապետ Կիրիակոս Միցոտակիսը, գրում է korrespondent-ը։
«Վերջին օրերը վերջին տասնամյակի ընթացքում մեր երկրի համար ամենածանրներից է եղել: Մենք պայքարել ենք և շարունակում ենք պայքարել կրակի հետ ամբողջ ուժով: Բայց մեր առջև աննախադեպ չափերի բնական աղետ է. մի քանի օրվա ընթացքում 586 հրդեհ է բռնկվել Հունաստանի տարբեր շրջաններում: Աննախադեպ շոգի ու երկար ամիսների երաշտի պատճառով առաջացած հրդեհներն այժմ շատ դժվար է մարվում », – ասել է կառավարության ղեկավարը:
Միաժամանակ, Միցոտակիսը շնորհակալություն է հայտնել այն երկրներին, որոնք օգնում են Հունաստանին հրդեհի դեմ պայքարում, և ներողություն խնդրել հրդեհների հետևանքով իրենց տներն ու ունեցվածքը կորցրած համաերկրացիներից: Նա նաեւ խոստացել է, որ տուժածներին անհապաղ օգնություն կցուցաբերվի:
«Այսօր ես հաստատեցի 500 միլիոն եվրո լրացուցիչ բյուջե հատուկ տուժած շրջանների համար: Եվ անհրաժեշտության դեպքում կլինի լրացուցիչ եվրոպական օգնություն: Վնասներն արդեն սկսել են գրանցվել: Առաջին փոխհատուցումները կվճարվեն անմիջապես», – շեշտել է վարչապետը:
Հիշեցնենք, որ Հունաստանում տաս օրվա ընթացքում այրվել է ավելի քան 56 հազար հեկտար անտառ: Հրդեհի դեմ պայքարում է ավելի քան հազար հույն հրշեջ, որոնց միացել են Մեծ Բրիտանիայի, Ֆրանսիայի, Ռումինիայի, Շվեյցարիայի և Ուկրաինայի փրկարարները:
Տաթև Ֆռանգյան
