Քաղաքականություն
09.08.2021 | 21:18
Թուրքիայում հուլիսի 28-ից շարունակվող անտառային հրդեհների վնասը կարող է կազմել 300 մլրդ թուրքական լիրա։ Այս մասին հայտարարել է Անթալիայից ընտրված ընդդիմադիր «Ժողովրդահանրապետական» կուսակցությունից պատգամավոր Չեթին Օսման Բուդաքը։ Գրում է t24.-ը։
«Մենք կորցրել ենք հազարավոր ակր անտառային տարածքներ, անասուններ, բնական կյանք։ Մեր այրած ծառերի միայն տնտեսական արժեքը կազմում է 200 մլրդ լիրա։ Այս ցուցանիշը իր մեջ չի ներառաում անատառային մթերքի արժեքը»,-ասել է պատգամավորը։
Նա նաև նշել է, որ վերջին 10 օրում այրված անտառների մակերեսը հավասար է նախորդ ամբողջ տարվա ընթացքում վառված անտառածածկ տարածքի մակերեսին, մոտ 200 հազար հեկտար անտառածածկ տարածք վերածվել է մոխրի:
«Թե՛ այրվող անտառային տարածքների, թե՛ զբոսաշրջության կորստի պատճառով մեր երկրի համար հրդեհի վնասի արժեքը կգերազանցի 300 միլիարդ լիրան: 2019 թվականին միայն Մանավգաթի զբոսաշրջային եկամուտը կազմել է 4,5 միլիարդ դոլար: Զբոսաշրջության ոլորտում մեր եկամուտների կորուստը կգերազանցի 100 միլիարդ լիրան»,- ասել է Բուդաքը՝ նշելով, որ Անթալիայում էլ այրվել 48 հազար 300 հա գյուղատնտեսական նշանակության հող։
Էմմա Չոբանյան
