14.02.2026 | 23:13
Ալիևը Ռուսաստանին մեղադրել է Կիևում Ադրբեջանի դեսպանատանը հարվածելու համար
Կա՛մ ձեր գործընկերները ստում են, կա՛մ խմբային պատասխանատվություն եք կիսում․ Հայկ Մամիջանյան
Քաղաքականություն
09.08.2021 | 17:18
«Դուք պնդում եք, որ երբեք չի կարող Ազգային ժողովը լուսանցքում հայտնվել, բայց ձեր գործընկերներից շատ-շատերն ասել են, որ տեղյակ չեն եղել նոյեմբերի 9-ի փաստաթղթից, ավելին՝ նաև հունվարի 11-ի փաստաթղթի վերաբերյալ տեղեկություն չունեն»,- ԱԺ նիստում այս մասին նշեց «Պատիվ ունեմ» խմբակցության պատգամավոր Հայկ Մամիջանյանը՝ դիմելով Պաշտպանության և անվտանգության հարցերի մշտական հանձնաժողովի ՔՊ-ի թեկնածու Անդրանիկ Քոչարյանին:
«Երկու տարբերակ կա, կա՛մ ձեր գործընկերները, որոնք ասում էին, որ կապ չունեն այդ փաստաթղթի հետ, ստում են, կա՛մ բոլորդ խմբային պատասխանատվություն եք կիսում այդ պատասխանատվություն, եկեք հասկանանք ով է կրում քաղաքական պատասխանատվություն»,- նշեց Մամիջանյանը:
Պատգամավորն անդրադարձավ նաև պաշտպանության նախարարի՝ օրերս համացանցով տարածվող հայտարարությանը։ «Վերջերս տելեգրամյան ալիքներով ձեր իշխանական քարոզչամեքենան «սլիվ» էր տվել, որ նորանշանակ նախարար Արշակ Կարապետյանը հրաման էր տվել՝ մի մետր էլ առաջ գան, կրակե՛ք։ Մի հատ ինձ կասե՞ք՝ էդ երբ էր դրա հակառակ հրամանը եղել։ Պաշտպանության նախարարը պիտի հրաման տա՞, որ մի մետր էլ առաջ գան, կրակեք։
Ուրեմն ընդունեք, որ կա՛մ այն տեղեկատվությունը, որի մասին մենք խոսել ենք, որ եղել է հրաման չկրակելու, համապատասխանում է իրականությանը, կա՛մ էլ պաշտպանության նորանշանակ նախարարը տարրական հրամաններ է տալիս, որոնք բխում են կանոնագրքերից»,- նշեց Մամիջանյանը:
Մանրամասները՝ տեսանյութում:
