15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
«Թալիբան» շարժումը ԱՄՆ -ից պահանջել է չմիջամտել Աֆղանստանի գործերին
Քաղաքականություն
09.08.2021 | 17:21
Ծայրահեղական «Թալիբան» շարժումը նախազգուշացրել է ԱՄՆ -ին ՝ պահանջելով չմիջամտել Աֆղանստանի գործերին, հայտնում է «Sputnik»-ը ՝ վկայակոչելով շարժման քաղաքական գրասենյակի պաշտոնական ներկայացուցչի հայտարարությունը:
Ավելի վաղ ԱՄՆ ռազմաօդային ուժերի B-52 Stratofortress ռմբակոծիչները օդային հարվածներ են հասցրել թալիբներին Ջաուզջան նահանգի մայրաքաղաք Շիբերգանում: Հանրապետության պաշտպանության նախարարությունը հայտարարել է, որ ավելի քան 200 թալիբ գրոհային է ոչնչացվել:
Թալիբանի քաղաքական գրասենյակի ներկայացուցիչը նշել է, որ երկրում կատարվողի մեղավորը Աֆղանստանի իշխանություններն են:
Թալիբներն ավելի վաղ հայտնել էին, որ իրենց վերահսկողության տակ են վերցրել Կունդուզ և Սարի Պուլ նահանգները, ինչպես նաև Թախար նահանգի վարչական կենտրոնը:
Աֆղանստանում իրավիճակը սրվել է այն բանից հետո, երբ ԱՄՆ -ը և ՆԱՏՕ –ի անդամ պետությունները սկսել են մայիսի 1-ին իրենց զորքերը դուրս բերել հանրապետությունից՝ համաձայն 2020 թվականին Թալիբանի և ԱՄՆ ներկայացուցիչների միջև ստորագրված խաղաղության համաձայնագրի։
Ենթադրվում է, որ ուժերի դուրսբերումը կավարտվի մինչեւ սեպտեմբերի 11 -ը:
Տաթև Ֆռանգյան
