22.01.2026 | 17:27
Ջոկովիչը մտածում է «Մեծ սաղավարտի» 25-րդ տիտղոսի մասին․ «Հավատում եմ իմ ուժերին»
Իշխանությունները որդեգրել են փակ աշխատանք, ու լրագրողների առջև դռներն իսկապես փակվում են. Աշոտ Մելիքյան. ՏԵՍԱՆՅՈՒԹ
Հասարակություն
12.03.2018 | 13:58
«Ես մի մեկնաբանության հանդիպեցի, որում ասվում էր, իբր, լրագրողներն այնտեղ էթիկայի նորմեր են խախտել: Ես կուզեի հանդիպել այդ անձնավորությանը և հարցնեի, թե էթիկայի ո՞ր նորմն է խախտվել».- այսօր լրագրողների հետ հանդիպմանն ասաց «Խոսքի ազատության պաշտպանության կոմիտեի» նախագահ Աշոտ Մելիքյանը՝ խոսելով Երևանի քաղաքապետարանում լրագրողների գործունեությունը խոչընդոտելու վերջին միջադեպի մասին:
«Այս դեպքը ևս մեկ անգամ ցույց տվեց, որ լրագրողական հանրությունը պառակտված է, ու ես սա ափսոսանքով եմ ասում,- նկատեց Մելիքյանը՝ հավելելով․- այս ամենը տանում է դեպի փակուղի և էստեղ ոչ միայն լրագրողական հանրությունը պետք է իր վճռական խոսքն ասեր, այլև հասարակությունն առհասարակ, որովհետև սա հենց հասարակության տեղեկացվածության համար է առաջին հերթին վտանգ պարունակում»:
Մելիքյանն անդրադարձավ նաեւ կառավարության նիստերը դռնփակ դարձնելու եւ լրագրողների գործունեությունը բարդացնող վերջին շրջանի մտահոգիչ միտումներին․«Իշխանությունները որդեգրել են փակ աշխատանք, լրագրողների առջև դռները իսկապես փակվում են: Եվ այս պայմաններում ես ուղղակի չեմ հասկանա, եթե որևէ հրապարակման առումով իշխանություններն ասեն, որ ստույգ փաստերի հիման վրա չի պատրաստվել այս կամ այն նյութը, որովհետև եթե պետք է ստույգ փաստերը հավաքելու դեմ դռները փակվեն, բնական է, որ լրագրողներին այլ բան չի մնում, քան ասեկոսեներ, այստեղից-այնտեղից հավաքված նյութեր ներկայացնելը»:
Մանրամասները՝ տեսանյութում:
