16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Ալեն Սիմոնյանը ինձ չի կարող հանձնարարական տալ՝ նաև ԱԺ կանոնակարգի համաձայն․ Իշխան Սաղաթելյան. ՏԵՍԱՆՅՈՒԹ
Քաղաքականություն
05.08.2021 | 18:02
Ես 44-օրյա պատերազմի ժամանակ 5 անգամ հանդիպել եմ վարրապետ Նիկոլ Փաշինյանին։ Այս մասին ԱԺ-ում ելույթի ժամանակ ասաց «Հայաստան» դաշինքի ներկայացուցիչ, ԱԺ փոխխոսնակի թեկնածու Իշխան Սաղաթելյանը։
«Հանդիպումներից մեկի ժամանակ Նիկոլ Փաշինյանին ասել եմ՝ եթե պատերազմում հաղթենք, բոլոր դափնիները քոնն են և քո քաղաքական թիմինը, ըստ իս, դու երկիրը տանում ես կապիտուլյացիայի, եթե պատերազմում պարտվենք՝ դուք դա չեք մարսելու, այս ամենի մեղավորը և պատասխանատուն անձամբ դուք եք», – ասաց Սաղաթելյանը և պահանջեց, որ հանդիպման ձայնագրությունը հրապարակվի։
«Նիկոլ Փաշինյանի հետ հանդիպումների մասին հատ-հատ շատ մանրամասն խոսելու եմ, և ևս մեկ անգամ կրկնում եմ՝ պատերազմի համար պատասխանատուն դուք եք և պետք է պատասխան տաք»,- նշեց պատգամավորը:
Անդրադառնալով ԱԺ-ում որպես ԱԺ երրորդ փոխնախագահի թեկնածու իր առաջադրման վերաբերյալ ԱԺ քննարկումներին, Սաղաթելյանը, դիմելով իշխանական պատգամավորներին, նշեց. «Երևի ձեր սցենարի ավարտը այն էր, որ պարոն Կոնջորյանն այս ամբիոնից կրկնի, թե Իշխան Սաղաթելյանը կատարելու է Ալեն Սիմոնյանի հանձնարարականները: Ալեն Սիմոնյանն ինձ չի կարող հանձնարարական տալ՝ նաև ԱԺ կանոնակարգի համաձայն»:
Մանրամասները՝ տեսանյութում։
