18.01.2026 | 15:00
WP․ Պենտագոնը պատրաստվում է դեսանտայիններին ուղարկել Մինեսոտա
Քանի՞ անգամ եք Քոչարյանին առաջարկել՝ իր օրոք զոհված զինվորներին նվիրաբերի իր ամառանոցները․ Ալեքսանյանը հակադարձեց Վարդանյանին. ՏԵՍԱՆՅՈՒԹ
Քաղաքականություն
05.08.2021 | 17:51
ԱԺ նիստում բանավեճ տեղի ունեցավ «Հայաստան» խմբակցության պատգամավոր Էլինար Վարդանյանի և «Քաղաքացիական պայմանագիր» խմբակցության անդամ Վահագն Ալեքսանյանի միջև։
«Ես հարց եմ տալիս՝ ինչպե՞ս եք վերաբերվում կառավարական ամառանոցները մեր վիրավոր տղաների համար վերականգնողական կենտրոն կառուցելու հարցին, ասում են՝ բա նախկինում պաշտոնյան ուզում էր սեփականաշնորհել։ Է հետո՞, չհոգնեցի՞ք, կամ ինձ ինչո՞ւ եք դա ասում»,- իր ելույթում ասաց Էլինար Վարդանյանը։
Նրան պատասխանեց Վահագն Ալեքսանյանը․ «Խոսում եք ամառանոցներից, ձեր դաշինքի առաջնորդ Ռոբերտ Քոչարյանին քանի՞ անգամ եք առաջարկել, որպեսզի իր նախագահության օրոք խաղաղ պայմաններում զոհված ավելի քան 700 զինծառայողներին նվիրաբերի իր ամառանոցները։ Ինձ թվում է, տիկի՛ն Վարդանյան, եթե առաջարկած լինեիք, ապա Ռոբերտ Քոչարյանը, ով, ինչպես գիտենք, աղքատ մարդ չէ, պատերազմի ժամանակ նրա կինը չէր բավարարվի բանակի ֆոնդին 5 միլիոն դրամ նվիրաբերելով»։
Տեղի ունեցավ վիճաբանություն, ԱԺ նախագահ Ալեն Սիմոնյանը նկատողություն հայտարարեց պատգամավոր Էլինար Վարդանյանին։ «Հաջորդիվ այլ միջոցներ կկիարառվեն»,- նշեց ԱԺ նախագահը:
Մանրամասները՝ տեսանյութում:
