16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Որտեղ ուղարկել եք, էնտեղ էլ գնացել ենք․ այո, մարտական գործողությունների չենք մասնակցել․ Աղազարյանը՝ Օհանյանին. ՏԵՍԱՆՅՈՒԹ
Քաղաքականություն
04.08.2021 | 17:00
«Քաղաքացիական պայմանագրի» ջոկատն Ապրիլյան պատերազմի ժամանակ մարտական գործողությունների չի մասնակցել, բայց կարևորն այն ուղերձն է, որը մենք փոխանցել ենք։ Այս մասին այսօր՝ օգոստոսի 4-ին, Ազգային ժողովի նիստի ժամանակ հայտարարեց «Քաղաքացիական պայմանագիր» խմբակցության պատգամավոր Հովիկ Աղազարյանը`անդրադառնալով այդ առնչությամբ Սեյրան Օհանյանի հայտարարությանը:
«Մենք անմիջապես ազդակ տվեցինք իշխանությանը, որ մենք, լինելով ընդդիմադիր ուժ, պատրաստ ենք մեր նպաստը բերելու այնտեղ, որտեղ որ հարկ կհամարի մեր զինվորական հրամանատարությունը։ Մենք երեք օր զորամասում անցկացրինք համապատասխան վարժանքներ, և մեր ջոկատն ուղարկվեց այնտեղ, որտեղ հրամանատարությունն անհրաժեշտ գտավ։ Մենք ունեինք անհրաժեշտ սպառազինություն և չգիտեինք՝ կոնկրետ որ հատվածում էինք լինելու, և իրենք որտեղ որ նպատակարամար գտան, խրամատներ փորեցինք և կատարեցինք աշխատանքներ։ Բայց կարևորը ուղերձն է, որ ընդդիմադիր արմատական ուժը՝ իր լիդերով հանդերձ, պատրաստակամություն հայտնեց լինել իշխանության կողքին մեր հայրենիքի համար ճակատագրական պահին»,- նշեց Աղազարյանը։
Աղազարյանը դիմեց նաև «Հայաստան» խմբակցության ղեկավար Սեյրան Օհանյանին․ «Պարոն Օհանյան դուք անձամբ ինձ մեդալ եք տվել, ձեռքս եք սեղմել, որտեղ դուք ուղարկել եք, այդտեղ էլ գնացել ենք։ Այո, մենք մարտական գործողությունների չենք մասնակցել, և ոչ մեկն էլ չի ասել, որ մասնակցել ենք»,- ընդգծեց Հովիկ Աղազարյանը։
Մանրամասները՝ տեսանյութում:
