Քաղաքականություն
04.08.2021 | 16:17«Լսե՛ք, հարգելի՛ քաղաքական ընդդիմախոսներ, դուք հետևություններ ունե՞ք արած ընտրությունների արդյունքներից, թե՞ չէ»,- ԱԺ նիստում «Քաղաքացիական պայմանագիր» խմբակցության պատգամավոր Հռիփսիմե Գրիգորյանն այս հարցով դիմեց ընդդիմադիր խմբակցությունների պատգամավորներին:
«Հասկանում եմ, որ ընտրությունները լրիվ այլ բան էին նշանակում 2018-ից առաջ, լրիվ այլ ասոցիացիաներ ու գործողողություններ էին ենթադրում… Բայց չմոռանանք, որ 2021-ի հունիսին տեղի ունեցան արտահերթ խորհրդարանական ընտրություններ, երկրորդ անգամ կայացան ազատ, արդար, թափանցիկ ընտրություններ: Եվ երբ Իշխան Սաղաթելյանը հաստատում է 8 ամիս առաջ «17+» շարժամն շրջանակներում իր արած արտահայտությունները, դա նշանակում է, որ դուք դասեր չեք քաղել այս ընտրություններից: Դուք ասել եք, ասել եք, ասել եք 8 ամիս, արել եք, արել եք, արել եք ու պարտվել եք: Իշխան Սաղաթելյանը պարտվել է նույնիսկ իր հայրական գյուղում: Սյունիքում պարտվել եք, Շուռնուխում պարտվել եք: Հետևություններ արե՞լ եք:
Հետևություններ անելու փոխարեն համարձակվում եք ժողովրդին թիրախավորել ու մեղադրել: ՀՀԿ-ականներից մեկն ասել է. «Հայ ժողովրդի վերջին մեղքն այս խորհրդարանն է»: Լո՞ւրջ եք ասում, համաձա՞յն եք այս մտքի հետ: Հայ ժողովուրդն ունի բազմաթիվ մեղքեր, որոնցից վերջինն այս խորհրդարա՞նն է: Հուսամ, ասելիք կունենանք ձեր գործընկերոջը»,- նշեց Գրիգորյանը:
Մանրամասները՝ տեսանյութում:
