30.10.2026 | 11:18
Հարկադիրի Շիրակի բաժնի պետը կալանավորվել է
Տպավորություն է՝ մեզ տված ձայներն էլ են ձեր շնորհիվ տվել․ Ռուստամյանը՝ ՔՊ-ականներին. ՏԵՍԱՆՅՈՒԹ
Քաղաքականություն
04.08.2021 | 16:13
«Աբսուրդային իրավիճակ ենք արձանագրում, երբ որ համագործակցության ու համերաշխության մասին խոսելով, մեզ՝ նոր ընդդիմությանն ասում են, թե մեր ընտրողները մեզ ինչ պատգամ են տվել: Այնպիսի տպավորությունն է, որ մեր ընտրողներն էլ են ձեզ ընտրել»,- դիմելով իշխանական պատգամավորներին՝ նշեց «Հայաստան» խմբակցության պատգամավոր Արմեն Ռուստամյանը՝ հավելելով. «Մենք գիտենք, թե մեր ընտրողներն ինչ պատգամ են տվել»:
Ռուստամյանն ընդգծեց, որ ապագայի մասին իշխանության և ընդդիմության տեսլականները տրամագծորեն հակադիր բևեռներում են. իշխանությունն ու ընդդիմությունը տարբեր իրողությունների մեջ են ապրում. «Մենք խորհրդարան ենք եկել բանավիճելու, բան ասելու»:
«Ավարտվել է հին ու նորի հնարքի կիրառման ձեր լիմիտը… Մենք ասում ենք, որ իրավիճակը գնալով լրջանում է, խորանում են մեր խնդիրները, մարտահրավերները գնալով ավելանալու են: Դուք ասում եք՝ ճգնաժամ չկա:
Քանի դեռ չենք բացահայտել այս պարտության իրական պատճառները, չենք կանխարգելել այս պարտությունից բխող վտանգները, մենք ո՞նց ենք խոսում ճգնաժամի հաղթահարման մասին։ Ճգնաժամը խորացել է…
Նոր կապիտուլյացիա է մեզ պարտադրվելու, դրա դեմն օր առաջ պետք է առնել,- նշեց Արմեն Ռուստամյանը:
Մանրամասները՝ տեսանյութում։
