29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Փաստաբանների պալատը վաղուց վերածվել է իշխանության ձեռքին մասնագիտական ազատության դեմ գործիքի․ Վահե Գրիգորյան
Հասարակություն
09.03.2018 | 18:31
«Փաստաբանական որոշակի խմբի նկատմամբ, իսկ այդ որոշակի խումբը քաղաքական զգայունություն ունեցող քրեական գործերով պաշտպանություն իրականացնող փաստաբաններն են, կարգապահական վարույթներ են կիրառվում, որոնք հետևողականորեն վերածվում են սանկցիաների»,- այսօր «Եվրոպայի փաստաբանների և իրավաբանների միությունների խորհրդի անդամ-պետությունների առջև ծառացած արդի մարտահրավերները և հեռանկարները» թեմայով քննարկման ժամանակ ասաց փաստաբան Վահե Գրիգորյանը՝ հավելելով, որ կարգապահական վարույթները, երբ իրականացվում են ընտրովի արդարադատության արդյունքում, համարվում են սպառնալիք փաստաբանի մասնագիտությանը։
Վահե Գրիգորյանը քննադատեց Փաստաբանների պալատի աշխատանքը․ «Փաստաբանների պալատը վաղուց վերածվել է քաղաքական իշխանության ձեռքին մասնագիտական ազատության դեմ գործիքի և էականորեն վտանգում է փաստաբանի մասնագիտությունը։ Իրավիճակը չի սրվել այն աստիճան ինչպես Թուրքիայում է և Ադրբեջանում, և դա ոչ թե քաղաքական իշխանության կամ Պալատի՝ իր խնդիրներին հավատարիմ մնալու բերումով է, այլ մի խումբ փաստաբանների դիմադրության բերումով, նման դիմադրությունն ավելի դժվար է նկատել այլ տարածքներում»։
Նա նաև անդրադարձավ փատաբանների դեմ բռության դեպքերին՝ նշելով, որ Հայաստանում բռնության գործադրման, սպառնալիքների կամ սադրանքների դեպքերը կարող են անպատիժ մնալ բացառապես քաղաքական իշխանությունների հովանավորությամբ։
Լիլիթ Շաբոյան
