14.08.2026 | 09:49
Հայկական գյուղմթերքի արտահանումը Ղազախստան ավելացնելու ներուժ կա․ Պապոյանը հանդիպել է Այդարբեկ Սապարովի հետ
Սպանված 3 զինծառայողների ծնողները ներել են սպանության համար ցմահ դատապարտված Աշոտ Մանուկյանին
Հասարակություն
09.03.2018 | 17:26
Ցմահ դատապարտյալ Աշոտ Մանուկյանը, ով 22 տարի առաջ երեք զինվորների սպանության համար էր դատապարտվել, զղջում է կատարվածի համար, նա պատրաստվում է ներման խնդրանքով դիմել Հայաստանի նախագահին։ Մանուկյանը դատապարտվել է 20 տարեկանում: Թե՛ նախաքննության, թե՛ դատավարության ժամանակ ցուցմունքներ է տվել, որ ինքն է կրակել երեք զինվորների վրա, իսկ պատճառը եղել է պարտքի շուրջ եղած վեճը։ Մանուկյանին դատապարտել էին մահապատժի՝ գնդակահարության ձևով, պատժի նմանատիպ կիրառումը, սակայն, վերացվեց և արդյունքում Մանուկյանը 22 տարի է՝ անազատության մեջ է «Նուբարաշեն» ՔԿՀ-ում։
Աշոտ Մանուկյանի փաստաբան Նարեկ Ալոյանը 22 տարի անց խոսել է սպանված Սերգեյ և Սարգիս Վարդանյանների, Վլադիկ Օսպիյանի հարազատների հետ, ովքեր նշել են, որ ներել են Մանուկյանին կատարվածի համար և որևէ առարկություն չունեն, որ նա ազատ արձակվի։
Նշենք, որ վաղաժամկետ ազատման համար Մանուկյանը բազմիցս դիմել է դատարան և մերժում ստացել։ Նա դատական նիստերից մեկի ժամանակ հայտարարել էր, որ պատրաստ է գնդակահարվել, միայն թե կարողանար երեք կյանքերը հետ բերել։ Փաստաբան Ալոյանը նշում է՝ եթե ներում են սպանվածների ծնողները, ինչո՞ւ 22 տարի անց չների նախագահը կամ դատարանը։
Լիլիթ Շաբոյան
