14.12.2024 | 12:52
NYMEX. Թանկարժեք մետաղների գները նվազել են
Տոկիո-2020. Սիմոն Մարտիրոսյանի մեդալը պետք է ոսկի լիներ, բայց նա ձախողեց. Կարեն Գիլոյան
04.08.2021 | 09:31
Հայաստանի Հանրապետության Կրթության, գիտության, մշակույթի և սպորտի նախարարի տեղակալ Կարեն Գիլոյանի կարծիքով ծանրորդ Սիմոն Մարտիրոսյանի արծաթե մեդալն Օլիմպիական խաղերում ձախողում է Հայաստանի օլիմպիական հավաքականի համար:
«Մենք կարող էինք ունենալ երկու ոսկե, մեկ բրոնզե մեդալ, բայց ունեցանք երկու արծաթե մեդալ: Օրը հրաշալի անցկացրեց բռնցքամարտիկ Հովհաննես Բաչկովը: Ալեքսանյանից միշտ ենք ոսկի ակնկալում: Հիմա նա երեք մեդալների ասպետ է և շատ հզոր տղա է»,- «Արմենպրես»-ի հաղորդմամբ` Տոկիոյում հայ լրագրողների հետ զրույցում ասել է Գիլոյանը:
Վերջինիս շեշտել է, որ մրցավարական կողմնապահության կար Արթուր Ալեքսանյանի գոտեմարտում, և այս ամենից պետք է հետևություններ անեն:
«Սիմոնի պարագայում մենք ձախողվել ենք: Նա չկարողացավ նորմալ կարգավորել քաշը: 238 կգ Սիմոնի ուժերի սահմաններում էր: Պետք է հետևություններ անել»,- ասել է նա:
