13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
ՄԻՊ-ը կուսումնասիրի ԱԺ-ում լրագրողների աշխատանքի սահմանափակումների հարցը
Հասարակություն
03.08.2021 | 22:07
Մարդու իրավունքների պաշտպանը նախաձեռնել է ուսումնասիրություն խորհրդարանում լրագրողների մասնագիտական աշխատանքի սահմանափակումների առնչությամբ։ Այս մասին Factor.am-ը տեղեկանում է ՀՀ Մարդու իրավունքների պաշտպան Արման Թաթոյանի ֆեյսբուքյան էջից։
«Ազգային ժողովում լրագրողների մասնագիտական աշխատանքի սահմանափակումների առնչությամբ տեղեկացնում ենք, որ Մարդու իրավունքների պաշտպանը երեկվանից նախաձեռնել է ուսումնասիրություն՝ հրատապության սկզբունքով:
Իրականացվում է լրագրողների ահազանգերի, դիմումների, պաշտոնական հրապարակային պարզաբանումների, ինչպես նաև միջազգային փորձի ու չափանիշների ուսումնասիրություն: Ահազանգերը քննարկվել են լրագրողների հետ, պաշտոնական պարզաբանումներ են հայցվել Ազգային ժողովից:
Ուսումնասիրության արդյունքներով Մարդու իրավունքների պաշտպանի դիրքորոշումը կհրապարակվի առաջնահերթության սկզբունքով»,-գրել է Թաթոյանը:
