09.08.2026 | 13:13
Դաշտավանում ծեծկռտուք է եղել․ մասնակիցները հարվածել են քարերով, մահակներով և կռփազենքով
Լրագրողների համար կլինեն հատուկ նախատեսված տեղեր, ներքին բակում նաև սրճարան կլինի․ Ալեն Սիմոնյան. ՏԵՍԱՆՅՈՒԹ
Հասարակություն
03.08.2021 | 17:29
Խորհրդարանում լրագրողների աշխատանքը ոչ թե սահմանափակվում է, այլ տեղի է ունենում աշխատանքի համակարգում: Այս մասին խորհրդարանում հայտարարեց ԱԺ նախագահ Ալեն Սիմոնյանը:
«Մենք ունենք մի այսպիսի խնդիր. տարիներ շարունակ եղել է այնպես, որ լրագրողները ստիպված են եղել միջանցքներում վազել պատգամավորների հետևից: Եղել են պատգամավորներ, որ սպառնացել են լրագրողներին, ապտակել են նրանց: Այդ լարվածությունը նաև պայմանավորված է եղել նրանով, որ հարաբերությունները որևէ ձևով կարգավորված չեն եղել: Որևիցե փոփոխություն, որ կբերի կամ կարող է բերել ԶԼՄ-ների մասին օրենքում փոփոխության, չի նախատեսվում այսօրվա ռեժիմի պարագայում»,- ասաց Սիմոնյանը:
Նրա խոսքով՝ լրագրողների համար կնախատեսվեն հատուկ տեղեր, որտեղ պատգամավորները հնարավորություն կունենան ճեպազրույցներով հանդես գալ. «Իշխանական պատգամավորական խմբակցությունը պարտավորություն է իր վրա վերցնում լրագրողների հետ պարտադիր, մշտական շփման մեջ լինել»:
Սիմոնյանը հավելեց, որ նախատեսվում է ներքին բակում նաև սրճարան բացել, որտեղ պատգամավորները կարող են ընդունել թե՛ լրագրողների, թե՛ այլ անձանց:
Մանրամասները՝ տեսանյութում:
