29.06.2026 | 10:45
Ադրբեջանի ԱԳՆ-ն Իսրայելին կոչ է անում վերանայել Հայոց ցեղասպանության ճանաչման որոշումը
Օգոստոսյան ցույցերին մասնակցելու համար Մինսկի մերձակայքում 16 մարդ է ձերբակալվել
Քաղաքականություն
03.08.2021 | 18:13
Անցյալ տարվա օգոստոսյան բողոքի ակցիաներին մասնակցելու համար մի խումբ պարկապզուկահարներ են ձերբակալվել։ Տեղեկությունը հրապարակվել է ՆԳՆ պաշտոնական ներկայացուցիչ Օլգա Չեմոդանովայի Telegram ալիքում, հաղորդում է ԲԵԼՏԱ-ն:
Աղբյուրի փոխանցմամբ՝ օգոստոսի 2-ին Մինսկի մերձակայքում իրավապահներիկ կողմից բերման են ենթարկվել բողոքի ակցիայի 16 մասնակիցներ:
«2020 թվականի օգոստոսին մի խումբ պարկապզուկահարներ մի քանի անգամ գլխավորել են ցուցարարների շարասյունը և, օգտագործելով երաժշտական գործիքներ, քաղաքացիներին ներգրավել են չարտոնված զանգվածային երթի: Նրանց ելույթն ուժեղացրել է մասնակիցների բողոքի տրամադրությունը և նրանց ոստիկանության դեմ անօրինական գործողությունների դրդել»,- նշել են ՆԳՆ-ում:
Քննիչները 6 անձի որպես կասկածյալ է ճանաչել քրեական գործով, որն ավելի վաղ հարուցվել էր՝ հասարակական կարգը կոպտորեն խախտող գործողությունների կազմակերպման և մասնակցության համար: Մյուսների մասով կազմվել են վարչական արձանագրություններ՝ ձերբակալության ժամանակ ոստիկանության պահանջներին չենթարկվելու համար:
Նշվում է, որ ձերբակալվածները 28-ից 43 տարեկան են, նրանց թվում կա ընկերության ղեկավար, դիզայներ, ժողովրդական երգչախմբի գեղարվեստական ղեկավար և դիրիժոր, մյուսները գործազուրկ են: Շատերը նախկինում նույնպես ենթարկվել են վարչական պատասխանատվության, այդ թվում՝ չարտոնված զանգվածային միջոցառումներին մասնակցելու համար:
