17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Եթե սուր ելույթ ունենանք, կարո՞ղ է թիկունքից որևէ իր, համակարգիչ նետեք․ Խամոյանը՝ Արշակյանին. ՏԵՍԱՆՅՈՒԹ
Քաղաքականություն
03.08.2021 | 15:36
Խորհրդարանը քննարկում է ԱԺ փոխխոսնակի թեկնածու Հակոբ Արշակյանի ընտրության հարցը: Նախկին նախարարի թեկնածությունն առաջադրել է քաղաքական մեծամասնությունը:
«Հայաստան» դաշինքի պատգամավոր Ագնեսա Խամոյանը հիշեցրեց Հակոբ Արշակյանի և լրագրողի միջև տեղի ունեցած միջադեպը և նշեց, որ այդ հայտնի միջադեպից երկու շաբաթ անց Արշակյանը հրաժարական է ներկայացրել, սակայն պատասխանատվության չի ենթարկվել, այժմ էլ բարձր պաշտոնի է հավակնում: Նա նաև հավելեց, որ, ըստ իր տեղեկությունների, մինչ այժմ տուժածի հետ առերեսում չի եղել: Խամոյանը հետաքրքրվեց, թե պատգամավորը սովորե՞լ է արդյոք կառավարել իր էմոցիաները, թե՞ ոչ:
Արշակյանն արձագանքեց` ինչպես նախկինում, այնպես էլ հիմա դատապարտում է ցանկացած բռնության կիրառում, ապա հավելեց, որ հանրությունը ևս իր գնահատականն է տվել. ինքը մանդատ է ստացել ու հայտնվել խորհրդարանում:
«Եթե ես կամ որևէ ընդդիմադիր գործընկեր սուր ելույթ ունենանք և քննադատության ենթարկենք ձեր քաղաքական հորը, կարո՞ղ ենք ենթադրել, որ թիկունքից որևէ իր, համակարգիչ կնետեք՝ չտիրապետելով ձեր էմոցիաներին»,- նշեց Խամոյանը:
Մանրամասները՝ տեսանյութում:
