19.11.2024 | 14:40
Ավինյանը հայտարարեց. պատրաստ է բանավիճել Հայկ Մարությանի հետ ցանկացած ֆորմատով, ժամի ու վայրում․ ՏԵՍԱՆՅՈՒԹ
Ես որևէ առնչություն չունեմ հայրիկիս՝ դատարանի նախագահի պաշտոնում նշանակվելու հետ․ Գևորգ Բաղդասարյան. ՏԵՍԱՆՅՈՒԹ
Քաղաքականություն
03.08.2021 | 13:55
«Ես ամենաերկարը աշխատել եմ որպես Երևանի քաղաքի դատախազ, հետևաբար՝ մեկնաբանությունները, թե սույն գործով (Ռոբերտ Քոչարյանի և մյուսների-խմբ.) մասնակցելուց հետո սկսեցի ավելի արագ առաջխաղացում ունենալ, ճիշտ չէ»,-այս մասին, այսօր լրագրողների հետ զրույցում նշեց գլխավոր դատախազի տեղակալ Գևորգ Բաղդասարյանը:
«Խնդրում եմ բացեք իմ կենագրությունը և տեսեք, թե ինձ մոտ աշխատանքի փոփոխություններ և առաջխաղացումներ երբ են եղել: Ես 2015-2016 թվականներին առաջխաղացում եմ ունեցել նաև երկու ամիս ինտերվալով»,- նշեց Բաղդասարյանը:
Անդրադառնալով դիտարկմանը, որ իր հայրը՝ Սուրեն Բաղդասարյանը, օրերս նշանակվել է Լոռու մարզի ընդհանուր իրավասության դատարանի նախագահ, դատախազի տեղակալն ասաց. «Ես դրա հետ ոչ մի առնչություն չունեմ և չէի կարող ունենալ: Ինձ թվում է՝ տրամաբանությունից դուրս է, որ գլխավոր դատախազի տեղակալը որևէ ազդեցություն կարող է ունենալ դատարանի նախագահի ընտրության հարցում, որովհետև դատարանի նախագահ ընտրվում է ԲԴԽ-ի կողմից»։
Մանրամասները՝ տեսանյութում:
