16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Անահիտ Ավանեսյանը նշանակվեց առողջապահության նախարար
Քաղաքականություն
03.08.2021 | 13:28
ՀՀ նախագահի աշխատակազմից տեղեկացնում են, որ նախագահ Արմեն Սարգսյանի հրամանագրով Անահիտ Ավանեսյանը վերանշանակվել է առողջապահության նախարար:
«Հիմք ընդունելով վարչապետի առաջարկությունը` համաձայն Սահմանադրության 150-րդ հոդվածի.
Անահիտ ԱՎԱՆԵՍՅԱՆԻՆ նշանակել առողջապահության նախարար»,- ասված է հրամանագրում:
Կենսագրական տվյալներ
Տարեթիվ, ամսաթիվ, ծննդավայր
1981 թ. մարտի 21, ք. Երևան
Կրթություն
1997-2003 թթ. – սովորել է Երևանի պետական համալսարանում, ստացել քաղաքացիական իրավունքի մագիստրի կոչում
2002-2004 թթ. – կրթությունը շարունակել է Հայաստանի ամերիկյան համալսարանում՝ ստացել իրավունքի մագիստր կոչում
2002-2004 թթ. – սովորել է Առաջնորդների զարգացման կենտրոնում
2003 թ. մասնակցել է Անդրկովկասի և Հարավային Կովկասի երիտասարդ կանանց առաջնորդության ծրագրին, 2003-ին Եվրախորհրդում՝ Ստրասբուրգ, ծանոթացել է Եվրախորհրդի կառուցվածքին և գործառույթներին
Աշխատանքային գործունեություն
2000-2001 թթ. – ՀՀ արտաքին գործերի նախարարության իրավաբանական վարչություն
2001-2002 թթ. – Պետական ռեզերվների գործակալությանը իրավախորհրդատվություն է մատուցել
2005-2015 թթ. – «Դեմոկրատիան այսօր» ՀԿ-ի իրավախորհրդատու
2014-2015 թթ. – «Արֆարմացիա» ՓԲԸ ադմինիստրատիվ գծով տնօրեն
2016 թ. – «Արֆարմացիա» ՓԲԸ-ի գլխավոր տնօրեն
2017-2018 թթ. – «Աբովյան 39» ՍՊԸ տնօրեն, նույն ժամանակահատվածում նաև՝ «Արֆարմացիա» ՓԲԸ խորհրդի անդամ
2018 թ. մայիսի 24-ից զբաղեցրել է առողջապահության նախարարի տեղակալի պաշտոնը, 2020 թվականի մայիսի 11-ից` առողջապահության նախարարի առաջին տեղակալի
2021 թ. հունվարի 18-ին նշանակվել է Առողջապահության նախարար
Անձնական տվյալներ
Ամուսնացած է, ունի 3 զավակ:
