05.06.2026 | 16:00
«300,000 ադրբեջանցիների վերադարձի» թեզը Բաքվից ու Մոսկվայից է ձևավորվում. Հովսեփ Խուրշուդյան․ ՏԵՍԱՆՅՈՒԹ
Amnesty International-ը դատապարտել է մարզիկների իրավունքների խախտումները Բելառուսում
Քաղաքականություն
02.08.2021 | 21:01
Amnesty International կազմակերպության իրավապաշտպանները զեկույց են ներկայացրել, որում ներկայացրել են իշխանություններին քննադատող բելառուս մարզիկների նկատմամբ ճնշումների դեպքերը: Այս մասին գրում է DW-ի ռուսական ծառայությունը։
Զեկույցում նշվում է, որ թեթևատլետ Քրիստինա Տիմանովսկայայի դեպքը, որին փորձել են բռնի կերպով Ճապոնիայից Բելառուս ուղարկել, բելառուսական իշխանությունների կողմից մարզիկների նկատմամբ գործադրվող ճնշման միակ օրինակը չէ: Բելառուսում ավելի ու ավելի շատ մարզիկներ են ստիպված լինում հրաժարվում կարիերայից և ազատությունից՝ քննադատելով երկրում մարդու իրավունքների խախտումները։
«Բելառուսի սպորտային ղեկավարությունը գտնվում է Ալեքսանդր Լուկաշենկոյի իշխանությունների անմիջական վերահսկողության ներքո: Մարզիկները խրախուսվում են պետության կողմից և հարգվում հասարակության կողմից, ուստի զարմանալի չէ, որ իշխանություններին դեմ հանդես եկող մարզիկները դառնում են ճնշումների ցուցադրական թիրախ»,- նշել է Amnesty International-ի Արևելյան Եվրոպայի և Կենտրոնական Ասիայի փորձագետ Հեզա Մաքգիլը։
2020 թվականի օգոստոսին Բելառուսում նախագահական ընտրությունների կեղծված արդյունքների դեմ զանգվածային բողոքի ցույցերից հետո, ընդհանուր առմամբ, ձերբակալվել է 95 մարզիկ, 7-ը ենթարկվել է քաղաքական դրդապատճառներով հետապնդման, իսկ 124-ը՝ այլ տեսակի ճնշումների: Ըստ Մարզական համերաշխության բելուսական նհիմնադրամի (BSSF), որն աջակցում է Բելառուսում իրենց քաղաքական համոզմունքների համար հետապնդվող մարզիկներին, 35 մարզիկ և մարզիչ դուրս է մնացել ազգային հավաքականներից:
«Բելառուս մարզիկները բարձր գին վճարեցին՝ իրենց դիրքորոշումը համարձակորեն արտահայտելու համար»,- ամփոփել է Հեզա Մաքգիլը:
Իրավապաշտպանը կոչ են արել բոլոր ներկաներին սատարել բելառուս մարզիկներին համերաշխության ակցիային՝ ի պաշտպանություն բելառուս մարզիկների առցանց մարաթոնին, որն անցկացվելու է օգոստոսի 9-ին, Մարզական համերաշխության բելառուսական հիմնադրամի նախաձեռնությամբ:
Հավելենք, որ Լեհաստանը բելառուս մարզիկ Քրիստինա Տիմանովսկայային մարդասիրական վիզա է տրամադրել։ Այս մասին Twitter-ում գրառմամբ հայտնել է Լեհաստանի ԱԳ փոխնախարար Մարչին Պշիդաչը։
