05.01.2026 | 15:54
Զելենսկին Կանադայի նախկին փոխվարչապետին տնտեսական զարգացման հարցերով իր խորհրդական է նշանակել
Պաշտոնյաներն ԱԺ-ում կմոտենան հատուկ հատկացված տեղ ու հանդես կգան ճեպազրույցով. Ալեն Սիմոնյան. ՏԵՍԱՆՅՈՒԹ
Քաղաքականություն
02.08.2021 | 18:13
Պատգամավորները, պաշտոնյաները, որոնք կայցելեն Ազգային ժողով, կմոտենան հատուկ հատկացված տեղ, հանդես կգան ճեպազրույցներով և առանձին հարցազրույցներով։ Այս մասին լրագրողների հետ զրույցում նշեց Ազգային ժողովի «Քաղաքացիական պայմանագիր» խմբակցության ԱԺ նախագահի թեկնածու Ալեն Սիմոնյանը։
«Նոր համակարգն ապահովելու է լրագրողների համար հնարավորություն, որ լրագրողները ստիպված չլինեն քայլել պատգամավորի ետևից, որն իրենց հարցերին չի պատասխանում կամ սպասել սենյակի առջևում, որ իրենք դուրս գան։ Պաշտոնյաներ կան, որոնք գալիս են այստեղ և լրագրողների հետ չեն շփվում։ Լրագրողների աշխատանքը համակարգված կլինի։ Մեր խմբակցությունը պարտավորվում է ապահովել նման հնարավորություն լրագրողների համար։ Իսկ պատգամավորը, որը ցանկություն կունենա ձեզ հարցազրույց տալու, որի հետ դուք կարող եք կապվել, ձեզ կհրավիրի կամ կգա ձեր ասած վայրը հարցազրույց տալու»,- ասաց նա։
Սիմոնյանի խոսքով՝ որևէ երկրում իրավիճակ, երբ լրագրողը վազում է պատգամավորի ետևից անհնար է տեսնել։
«Բոլոր գործողությունները պետք է լինեն համակարգված։ Բացի դրանից՝ շենքում չի կարող քայլել որևիցէ մեկն առանց երևացող տեղում բեյջիէ»,- ընդգծեց Ալեն Սիմոյանը։
Դիտարկմանը, թե փոփոխությունն ինչու չէր արվել նախորդ գումարումից առաջ, Սիմոնյանն պատասխանեց. «Առաջ ենք գնում։ Բայց ձեզնից որևէիցե մեկը չի հնչեցնում միտք՝ պարոն Սիմոնյան, կարո՞ղ է դա կապված է Ազգային ժողովի նախագահի հետ, որի նկատմամբ մահափորձ եղավ»,- ասաց Ալեն Սիմոնյանը։
Նա խոստացավ ամիսը 1-2 անգամ ճեպազրույց ունենալ լրագրողների հետ։
Մանրամասները՝ տեսանյութում:
