Հասարակություն
02.08.2021 | 11:13Մեկնարկել է 8-րդ գումարման Ազգային ժողովի անդրանիկ նիստը:
Առաջին նստաշրջանի ընթացքում խորհրդարանը կընտրի ԱԺ նախագահ, փոխնախագահներ, կձևավորվեն ԱԺ մշտական հանձնաժողովներ, կընտրվեն հանձնաժողովների նախագահներ:
Հիշեցնենք՝ ՔՊ ԱԺ նախագահի թեկնածուն Ալեն Սիմոնյանն է, փոխնախագահների թեկնածուները՝ Ռուբեն Ռուբինյանը և Հակոբ Արշակյանը: ԱԺ փոխնախագահի՝ ընդդիմության միասնական թեկնածուն լինելու է Իշխան Սաղաթելյանը:
ԱԺ 8-րդ գումարման նստաշրջանը մեկնարկել է խիստ սահմանափակումներով՝ լրագրողների տեղաշարժը և նկարահանումներ իրականացնելու հնարավորությունը սահմանափակվել է:
Խորհրդարանում խստացված վերահսկողություն է սահմանվել, նիստերի դահլիճի մուտքերի մոտ տեղադրվել են մետաղորսիչ սարքեր:
