15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Թուրքիայում 100-ից ավելի անտառային հրդեհներ են տեղայնացվել
Քաղաքականություն
01.08.2021 | 19:00
Թուրքիայում հաջողվել է տեղայնացնել անտառային հրդեհների 112 օջախներից 107-ը։ Korrespondent.net-ի փոխանցմամբ՝ այս մասին օգոստոսի 1-ին Twitter-ի իր էջում հայտնել է Թուրքիայի գյուղատնտեսության և անտառային տնտեսության նախարար Բեքիր Պակդեմիրլին։
Վերահսկողության տակ է վերցվել հուլիսի 28-ից օգոստոսի 1-ն ընկած ժամանակահատվածում բռնկված 112 անտառային հրդեհներից 107-ը։ Այս պահին շարունակվում են հրդեհների հինգ օջախների տեղայնացման աշխատանքները»,- գրել է նա։
Նախարարի խոսքով՝ անտառային հրդեհների երեք օջախներ գտնվում են Մուղլայում, երկուսը՝ Անթալիայում։
Թուրքիայի իշխանությունները հետաքննում են երկրի հարավում մոլեգնող անտառային հրդեհների պատճառները, դիտարկվում է նաև հրկիզումների վարկածը։
Թուրքիան արդեն հինգերորդ օրն է՝ պայքարում է լայնամասշտաբ անտառային հրդեհների դեմ։ Թուրքիայի նախագահը երկրում անտառային հրդեհներից տուժած շրջաններն աղետի գոտի է հայտարարել:
Al Jazeera-ի փոխանցմամբ՝ Թուրքիայում անտառային հրդեհներն անկառավարելի են դառնում: Հազարավոր հրշեջներ միացել են հրդեհաշիջման աշխատանքներին: Թուրքիայի՝ Միջերկրական ու Էգեյան ծովերի ափերին գտնվող 17 շրջաններում արձանագրվել է կրակի մոտ 70 օջախ:
Բնական աղետի հետևանքով մահացել է 6 մարդ, սակայն մտավախություն կա, որ զոհերի թիվը կավելանա: Կա ավելի քան 400 վիրավոր: Աղետի գոտում իրականացվում է բնակիչների ու զբոսաշրջիկների տարհանում:
