13.05.2024 | 16:44
Երևանը կհյուրընկալի կարատեի Եվրոպայի 2025 թվականի մեծահասակների առաջնությունը
Հայ կանայք ապացուցել են, որ էքստրեմալ պայմաններում մեքենաներ վարելու տեսակետից չեն զիջում տղամարդկանց.ԼՈՒՍԱՆԿԱՐՆԵՐ
08.03.2018 | 15:27
Մայրաքաղաքում շարունակվում է տոնական ջերմ մթնոլորտը, որի մասնակիցն են դարձել նաև կին վարորդները: Երևանի քաղաքապետարանի և «STR ավտոսիրողների ակումբ»-ի նախաձեռնությամբ Ստեփան Շահումյանի անվան հրապարակի տարածքում մեկնարկել է ավտոռալիի մրցաշար. տեղեկացնում է Երևանի քաղաքապետարանի տեղեկատվության
և հասարակայնության հետ կապերի վարչությունը:
Մինչ ավտոռալիի մեկնարկն ընթերցվել է Երևանի քաղաքապետ Տարոն Մարգարյանի շնորհավորական ուղերձը: Օրվա խորհրդով գործընկեր տղամարդկանցից շնորհավորանքներ ու ծաղիկներ ստանալուց հետո` կանայք ապացուցել են, որ էքստրեմալ պայմաններում մեքենաներ վարելու տեսակետից չեն զիջում տղամարդկանց: Արշավի ընթացքում կայացել է ձևավոր վարման միաժամանակյա մրցույթ՝ 2-ական մեքենաների միջև: Ներկայացվել են նաև միջոցառմանը բնորոշ վարման մի շարք հնարքներ: Մարզաերաժշտական շոուն ադրենալինի մեծ չափաբաժին է ապահովել մասնակիցներին ու այս ամենին հետևող մարզասերներին: Միջոցառման ողջ ընթացքն ուղեկցվել է ուրախ ռիթմերով, իսկ մասնակիցներին հնարավոր բժշկական օգնություն ցուցաբերելու և անվտանգության ապահովման նկատառումով տարածքում մշտական հերթապահություն են սահմանել Երևանի քաղաքապետարանի «Շտապօգնություն» ՓԲԸ և հրշեջ ծառայության անձնակազմերը, որոնց կարիքը, բարեբախտաբար, չի զգացվել:
