17.12.2025 | 14:14
«Ոչ թե աստիճան, այլ արդյունք». 2026-ից գիտնականների աշխատավարձը կախված կլինի կոնկրետ ցուցանիշներից
Բելառուս իրավապաշտպանները գերմանական մրցանակի են արժանացել
Քաղաքականություն
26.07.2021 | 20:50
Բելառուսական «Գարուն» իրավապաշտպան կենտրոնը ստացել է Մարիոն Դյոնհովվի անվան մրցանակ և 20․000 եվրո՝ ժողովրդավարության խթանման ու քաղաքացիական իրավունքների պաշտպանության գործում ունեցած նշանակալի ավանդի համար։ Այս մասին գրում է DW-ի ռուսական ծառայությունը։
Մրցանակի հիմնական դափնեկիր է դարձել 88-ամյա գերմանացի փաստաբան, երկրի ՆԳ նախկին նախարար Գերհարթ Բաումը։ Պարգևատրման արարողությունը տեղի է ունենալու նոյեմբերի 28-ին։
Հուլիսի 5-ին պարզ դարձավ, որ «Գարուն» իրավապաշտպան կենտրոնի ղեկավար Ալես Բելյացկին Բելառուսում ձերբակալվել է մի քրեական գործի շրջանակում, որի մանրամասները դեռ չեն հաղորդվում։ Նույն օրը նաև խուզարկություններ են իրականացվել մի շարք իրավապաշտպան կազմակերպություններում, ձերբակալվել են «Գարուն»-ի մի շարք այլ ներկայացուցիչներ։
Ի դեպ, գերմանացի հայտնի լրագրող Մարիոն Դյոնհոֆի անվան մրցանակը տրվում է 2003 թվականից՝ Die Zeit պարբերականի և Marion Dönhoff Stiftung հիմնադրամի կողմից։
Էմմա Չոբանյան
