16.05.2026 | 20:00
ՀՀ ԱԳ փոխնախարարը ԵԽ գլխավոր քարտուղարին է հանձնել «Մարզական մրցումների մեքենայությունների մասին» կոնվենցիայի վավերագիրը
Գերեվարված մաճկալաշենցին վերադարձվել է հայկական կողմին
Քաղաքականություն
26.07.2021 | 18:14
Այսօր՝ հուլիսի 26-ին Արցախի Մարդու իրավունքների պաշտպանի աշխատակազմ ահանզանգ էր ստացել այն մասին, որ Մարտունու շրջանի Մաճկալաշեն համայնքի բնակիչներից մեկը հայտնվել է ադրբեջանական կողմում և գերեվարվել։
Փաստերի հավաքագրման արդյունքում պարզվել էր, որ գերեվարվածը Մաճկալաշեն համայնքի 1989-ի ծնված բնակիչ է։ Տղամարդը զբաղվում է անասնապահությամբ և կորած անասունների որոնման ընթացքում հայտնվել էր ադրբեջանական զինված ուժերի վերահսկողության տակ գտնվող տարածքում։
Նրա մայրը՝ Հասմիկ Մանասյանը, Factor.am-ի հետ զրույցում պատմեց, թե ինչպես է դեպքը տեղի ունեցել․ «Միշտ 8։30 գալիս էր տուն, որ ուշացավ ամուսնուս ուղարկեցի, մինչ ամուսինս կհասներ, գյուղապետը զանգել էր, ասել՝ կովերը գնացել են ինքն էլ հետևից, ամուսինս տեսել է ինչպես են տղայիս տանում, ինքը ետ է եկել, որ իրեն էլ չբռնեն տանեն»։
Տիկին Հասմիկը հայտնեց նաև, որ Արտակին ետ են վերադարձրել ռուս խաղաղապահների միջնորդությամբ: «Արդեն ռուսները բերել են, բայց դեռ տանը չէ, տարել են ստուգեն տեսնեն ամեն ինչ կարգին է, թե ոչ»,- ասաց նա։
Մերի Մանուկյան
