17.12.2025 | 15:32
Սիրելի երեխաներ, ձեզ 2 պատգամավորի հետ կծանոթացնեմ․ Սիմոնյանը՝ Տ․ Մարգարյանի օգնականի մասին․ ՏԵՍԱՆՅՈՒԹ
Բաքուն Երևանից պատասխան չի ստացել խաղաղության պայմանագրի և սահմանի դելիմիտացիայի մեկնարկի առաջարկի վերաբերյալ․ Բայրամով
Քաղաքականություն
26.07.2021 | 17:13
Ադրբեջանի ԱԳ նախարար Ջեյհուն Բայրամովը հայտարարել է, որ Բաքուն Հայաստանից պատասխան չի ստացել խաղաղության պայմանագրի ստորագրման առաջարկի և պետական սահմանի դելիմիտացիայի գործընթացի մեկնարկի մասին, գրում են տեղական լրատվամիւոցները։
«Ադրբեջանը մի շարք առաջարկներով է հանդես եկել։ Դա նաև Հայաստանի հետ բաց մնացած սահմանային հարցի լուծումն է՝ սահմանի դելիմիտացիայի քննարկումների մեկնարկի միջոցով։ Բացի այդ, այդ առաջարկը, որը բազմիցս հնչեցրել է Ադրբեջանի նախագահը, Բաքվի պատրաստակամությունն է՝ Հայաստանի հետ խաղաղության պայմանագիր կնքելու վերաբերյալ։ Մենք Հայաստանից արձագանք չենք ստացել մեր առաջարկների մասով»,- ասել է Բայրամովը Սերբիայի ԱԳՆ ղեկավարի հետ համատեղ ասուլիսի ընթացքում։
Ադրբեջանցի պաշտոնյան նշել է, որ Երևանի «նման դիրքորոշումը վնասում է խաղաղությանն ու առաջընթացին»։
«Որևէ նոր բան չպետք է հորինել։ Կա պարզ բանաձև՝ միջազգային իրավունքի հիմնարար նորմերի պահպանում։ Ադրբեջանը հենց այդ դիրքորոշմանն է»,- ասել է Ջեյհուն Բայրամովը։
Էմմա Չոբանյան
