09.06.2026 | 13:41
Գլխավոր շտաբի պետի ճեպազրույցը. ՈՒՂԻՂ
Աֆղանստանի ուժայինները հայտարարել են «Թալիբան»-ի մի շարք հրամանատարների ձերբակալման մասին
Քաղաքականություն
26.07.2021 | 14:38
Աֆղանստանի պաշտպանության ու անվտանգության ազգային ուժերը հակաահաբեկչական գործողության ընթացքում ձերբակալել են «Թալիբան» շարժման մի շարք հրամանատարների։ Այս մասին հայտնել է երկրի ՆԳ նախարարությունը, գրում է ՏԱՍՍ-ը։
Հակաահաբեկչական գործողությունը տեղի է ունեցել Քաբուլի և Գորի նահանգները միավորող մայրուղու շրջանում։
Ձերբակալված թալիբ հրամանատարների թվում է Մոհամմեդ Ջանը, որը պատասխանատու է այդ ավտոճանապարհի վերահսկողության, դրա սաբոտաժի ու հարձակումների կազմակերպման համար։ «Թալիբան»-ի մի քանի անդամներ էլ չեզոքացվել են։
Բացի այդ, ուժայինները թալիբներից ազատել են Քաբուլ-Գոր մայրուղու հատվածում տեղակայված մի քանի գյուղեր։ Վնասազերծվել է նաև 5 հակատանկային արկ, որոնք ծայրահեղականների կողմից տեղադրված են եղել ավտոճանապարհին։
Էմմա Չոբանյան
