19.05.2026 | 23:24
Արփինե Սարգսյանը և ԱՄՆ ժամանակավոր հավատարմատարը քննարկել են կիբեռլաբորատորիայի ստեղծումն ու համագործակցության ընդլայնումը
Ռուբեն Վարդազարյանը դատական հայց է ներկայացրել ԲԴԽ-ի դեմ
Հասարակություն
23.07.2021 | 17:00
Բարձրագույն դատական խորհրդի նախկին նախագահ Ռուբեն Վարդազարյանը վարչական հայց է ներկայացրել Խորհրդի դեմ:
Այս մասին Factor.am-ը տեղեկացավ «Դատալեքս» դատական տեղեկատվական համակարգից:
Վարդազարյանը հուլիսի 21-ին դիմել է Վարչական դատարան՝ պահանջելով իր՝ որպես Երևան քաղաքի առաջին ատյանի ընդհանուր իրավասության դատարանի դատավորի և Բարձրագույն դատական խորհրդի դատավոր անդամի /նախագահի/ լիազորությունների կասեցումը վերացած լինելու իրավահարաբերության առկայությունը ճանաչել:
Հիշեցնենք, որ ապրիլի 15-ին Ռուբեն Վարդազարյանի լիազորությունները կասեցվել էին թե՛ որպես ԲԴԽ նախագահի, թե՛ որպես դատավորի։ Սակայն Երեւանի ընդհանուր իրավասության դատարանը հուլիսի 9-ին վերականգնել էր նրա իրավունքները։
Այդ դատական ակտի հիման վրա ԲԴԽ նախկին նախագահը Խորհրդին դիմում է ներկայացրել՝ ակնկալելով իր լիազորությունների կասեցման մասին որոշման վերանայում: Սակայն կառույցը հայտնել էր, որ դատարանի որոշման հասցեատերը իրենք չեն:
