30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Մեկնարկել է Պուտին-Ալիև հանդիպումը
Քաղաքականություն
20.07.2021 | 20:09
Մոսկվայում մեկնարկել է ՌԴ նախագահ Վլադիմիր Պուտինի և Ադրբեջանի նախագահ Իլհամ Ալիևի հանդիպումը։ Այս մասին հաղորդում է ՌԻԱ Նովոստին։
Աղբյուրի փոխանցմամբ՝ Պուտինը շնորհակալություն է հայտնել Ալիևին՝ «Ղարաբաղի հարցում փոխզիջումային լուծումներ գտնելու համար»։
Հանդիպումից այլ մանրամասներ առայժմ չեն հաղորդվում։
Ավելի վաղ Կրեմլի մամուլի ծառայությունը հայտնել էր, որ Պուտին-Ալիև հանդիպմանը նախատեսվում է քննարկել ռուս-ադրբեջանական ռազմավարական գործընկերային հարաբերությունների հետագա ամրապնդման առանցքային հարցերը՝ առևտրաներդրումային ու հումանիտար համագործակցության շեշտադրմամբ։
«Նաև նախատեսվում է կարծիքների փոխանակում տարածաշրջանային արդիական խնդիրների շուրջ։ Հիմնական ուշադրությունը դարձվելու է Ռուսաստանի, Հայաստանի ու Ադրբեջանի ղեկավարների՝ Լեռնային Ղարաբաղի վերաբերյալ 2020 թվականի նոյեմբերի 9-ի և 2021-ի հունվարի 11-ի պայմանավորվածությունների կատարման գործնական ասպեկտներին, այդ թվում՝ ապաշրջափակման, տրանսպորտային ու տնտեսական կապերի զարգացման խնդիրների լուծման հետ կապված»,- ասված է հաղորդագրությունում։
