29.04.2024 | 23:03
Կառավարությունը՝ Փաշինյանի և կիրանցիների հետ հանդիպման մասին
Կրեմլը հայտնել է Պուտին-Ալիև բանակցությունների օրակարգը
Քաղաքականություն
19.07.2021 | 16:51
Վաղը՝ հուլիսի 20-ին Մոսկվայում նախանշված է ՌԴ նախագահ Վլադիմիր Պուտինի և Ադրբեջանի նախագահ Իլհամ Ալիևի հանդիպումը։ Այս մասին ասվում է Կրեմլի տարածած հաղորդագրության մեջ։
Նշվում է, որ նախատեսվում է քննարկել ռուս-ադրբեջանական ռազմավարական գործընկերային հարաբերությունների հետագա ամրապնդման առանցքային հարցերը՝ առևտրաներդրումային ու հումանիտար համագործակցության շեշտադրմամբ։
«Նաև նախատեսվում է կարծիքների փոխանակում տարածաշրջանային արդիական խնդիրների շուրջ։ Հիմնական ուշադրությունը դարձվելու է Ռուսաստանի, Հայաստանի ու Ադրբեջանի ղեկավարների՝ Լեռնային Ղարաբաղի վերաբերյալ 2020 թվականի նոյեմբերի 9-ի և 2021-ի հունվարի 11-ի պայմանավորվածությունների կատարման գործնական ասպեկտներին, այդ թվում՝ ապաշրջափակման, տրանսպորտային ու տնտեսական կապերի զարգացման խնդիրների լուծման հետ կապված»,- ասվում է հաղորդագրությունում։
Հիշեցնենք, որ այսօր ավելի վաղ ՌԴ նախագահի խոսնակ Դմիտրի Պեսկովը հաստատել էր, որ նախապատրաստվում է Ալիևի այցը Մոսկվա։ Նա նաև նշել էր, որ այցի ընթացքում որևէ փաստաթղթի ստորագրում չի նախատեսվում։
Էմմա Չոբանյան
