24.08.2026 | 16:20
Լոնդոնը թույլատրել է Կիևին փոխանցել Storm Shadow հրթիռների մասին գաղտնի տեղեկատվություն՝ դրանք Ուկրաինայում արտադրելու համար
Իլհամ Ալիևը զանգահարել է Ռեջեփ Թայիփ Էրդողանին
Քաղաքականություն
15.07.2021 | 18:09
Ադրբեջանի նախագահ Իլհամ Ալիևը զանգահարել է Թուրքիայի նախագահ Ռեջեփ Թայիփ Էրդողանին 2016 թվականի հուլիսի 15-ի ռազմական հեղաշրջման փորձի 5-րդ տարելիցի կապակցությամբ։ Այս մասին գրում է «Անադոլու» գործակալությունը։
Էրդողանի աշխատակազմից հայտնել են, որ նախագահ Ալիևը հարգել է Թուրքիայի այն քաղաքացիների հիշատակը, որոնք զոհվել են հեղաշրջման փորձի ժամանակ։ Ալիևը հինգ տարի առաջ տեղի ունեցած իրադարձություններն անվանել է «թուրք ժողովրդի նվիրվածության վառ օրինակ»։
Բացի այդ, Ադրբեջանի նախագահն ընդգծել է, որ այսօր, ինչպես հուլիսյան հեղաշրջման փորձի օրերին, Ադրբեջանը գտնվում է բարեկամական ու եղբայրական Թուրքիայի կողքին, նաև համոզմունք հայտնել, որ «երկու երկրների ու ժողովուրդների միասնությունն ավելի կամրապնդվի»:
Էմմա Չոբանյան
