18.12.2025 | 23:09
Գիտությունն ավելի հաճախ պետք է կապվի արդյունաբերության հետ, որպեսզի արդյունավետությունը հնարավոր լինի չափել. Հակոբ Արշակյան
Երևանի Քանաքեռ թաղամասում երկու քաղաքացի ցած է ընկել պատշգամբից․ նրանցից մեկը մահացել է
Հասարակություն
15.07.2021 | 17:49
Հուլիսի 14-ին՝ ժամը 23։50-ի սահմաններում, «Միքայելյան» վիրաբուժական ինստիտուտից Ոստիկանության Քանաքեռ-Զեյթունի բաժին ահազանգ է ստացվել, որ վնասվածքներով իրենց մոտ է տեղափոխվել 2 տղամարդ։
Նրանցից մեկը, գիտակցության չգալով, մահացել է։ Այս մասին Factor.am-ին հայտնեց Ոստիկանության հասարակայնության հետ կապի և լրատվության վարչության զանգվածային լրատվամիջոցների հետ կապի, վերլուծության և լրատվության բաժնի պետ Զարզանդ Գաբրիելյանը։
Գաբրիելյանը նշեց, որ հիվանդանոց է մեկնել ոստիկանության Քանաքեռ-Զեյթունի բաժնի օպերատիվ խումբը։
Խումբը պարզել է, որ տղամարդիկ Երևանի Քանաքեռ 9-րդ փողոցի տներից մեկի պատշգամբից են ընկել, նախնական վարկածով պատճառը պատշգամբի թիթեղյա հատվածի վնասումն է։ Քաղաքացիներից մեկը վնասվածքներ է ստացել, մյուսը՝ մահացել։
Փաստի առթիվ Ոստիկանության Քանաքեռ-Զեյթունի բաժնում նյութեր են նախապատրաստվում։ Նշանակվել է դատաբժշկական փորձաքննություն։
Արփի Հակոբյան
