19.11.2024 | 10:29
Նավթի գներն աճել են
Իլհամ Ալիևը հաստատել է Բելառուսի հետ պաշտպանական համաձայնագիրը
Քաղաքականություն
15.07.2021 | 17:36
Ադրբեջանի նախագահ Իլհամ Ալիևը հաստատել է «Ադրբեջանի ու Բելառուսի Պաշտպանության նախարարությունների միջև երկկողմ համագործակցության իրականացման ընթացքում գաղտնի տեղեկատվության փոխադարձ փոխանակման» մասին համաձայնագիրը: Այս մասին հայտնում են ադրբեջանական լրատվամիջոցները։
Նշվում է, որ այս համաձայնագիրը ստորագրվել է Բաքվում 2021 թվականի մայիսի 18-ին։
Հիշեցնենք, որ ապրիլին Բելառուսի նախագահ Ալեքսանդր Լուկաշենկոն ժամանել էր Բաքու և հինգ ժամից ավելի ոչ ֆորմալ բանակցություններ անցկացրել Ադրբեջանի նախագահի հետ։ Թե ինչ են բանակցել, ինչի մասին են խոսել Ալեքսանդր Լուկաշենկոն և Իլհամ Ալիևը, հայտնի չէ․ հանդիպումը փակ դռների հետևում է անցկացվել։
Իսկ արդեն մայիսի 18-ին Բաքու էր ժամանել Բելառուսի պաշտպանության նախարար Վիկտոր Խրենինը՝ ադրբեջանցի պաշտոնակից Զաքիր Հասանովի հրավերով։ Խրենինի գլխավորած պատվիրակության այցի օրակարգի մասին ևս մանրամասներ չեն հաղորդվել։
Տաթև Ֆռանգյան
