26.04.2026 | 12:24
Ուրախ եմ լսել, որ նախագահ Դոնալդ Թրամփը և մյուս ներկաները ապահով են ու լավ վիճակում․ Նիկոլ Փաշինյան
Հուլիսի 5-ին Թբիլիսիում բռնությունը կրել է զանգվածային բնույթ․ Իրակլի Կոբախիձե
Քաղաքականություն
15.07.2021 | 18:56
Թբիլիսիում հուլիսի 5-ի իրադարձությունները հանդիսանում են «զանգվածային բռնություն», լրագրողների մի մասն այդ ժամանակ ծանր վիրավորվել է, մյուսները՝ թեթև։ Այս մասին հայտարարել է իշխող «Վրացական երազանք» կուսակցության նախագահ Իրակլի Կոբախիձեն «Ռուսթավի 2» հեռուստաալիքին տված հարցազրույցում, գրում է EADaily-ն։
«Բռնության փաստերը եղել են, ծանր վիրավորվել է 6 լրագրող, ինչպես նաև 2 ոստիկան։ 15 լրագրող թեթև վնասվածքներ է ստացել և այսպես շարունակ»,- ասել է Կոբախիձեն։
«Բռնությունը կրել է զանգվածային բնույթ, և դա շատ ծանր է։ Նման բան Վրաստանում երբեք չէր եղել։ Սա, բնականաբար, պետք է ուսումնասիրվի և համապատասխան ուշադրության արժանանա։Սակայն բանն այն է, որ երբ խոսում ենք 53 դեպքի մասին, հանրության մոտ տպավորություն է ստեղծվում, թե, իբրև, 53 լրագրող է ծանր վիրավորվել։ Իսկ ծանր վիրավորվել է միայն 6 լրագրող»,- հավելել է Կոբախիձեն։
Տաթև Ֆռանգյան
