11.10.2026 | 14:46
Այսօր աղջիկ երեխաների միջազգային օրն է
ՌԴ մի քանի քաղաքներում կարող են բացվել «Թումո» դպրոցներ
Հասարակություն
15.07.2021 | 19:14
«Թումո» ստեղծարար տեխնոլոգիաների կենտրոնը, որի կենտրոնակայանը տեղակայված է Երևանում, բանակցում է ռուսաստանյան ՏՏ ոլորտի մասնագետների հետ՝ ՌԴ մի քանի այլ քաղաքներում իրենց դպրոցները բացելու շուրջ: Այս մասին Sputnik-ին ասել է կենտրոնի ներկայացուցիչ Հայկուշ Եղիազարյանը:
«Վերջերս ՏՏ ոլորտի հյուրեր ենք ունեցել Ռուսաստանից և նրանցից երկուսը, մեկը՝ Տյումենից, մյուսը՝ Նովոսիբիրսկից, ցանկություն են հայտնել «Թումո» դպրոց բացել։ Այժմ մենք բանակցություններ ենք վարում։ Նրանք գալիս են, նայում, նրանց դուր է գալիս, մենք պատմում ենք ծրագրի, ֆինանսավորման մասին։ Նրանք հաշվարկում են, հասկանում, թե ինչքան շահավետ է այն»,- պատմել է Եղիազարյանը։
Հայկուշ Եղիազարյանի խոսքով՝ «Թումո»-ի երևանյան կենտրոնը պարբերաբար իր դպրոցները բացելու հայտեր է ստանում ամբողջ աշխարհից։
Հավելենք, որ «Թումո» ստեղծարար տեխնոլոգիաների միջազգային դպրոցը հիմնադրվել է 2011 թվականին Սեմ և Սիլվա Սիմոնյանների կողմից։ Թումոյի դպրոցներ կան ՀՀ բազմաթիվ քաղաքներում, ինչպես նաև Մոսկվայում, Փարիզում, Բեյրութում, Տիրանայում, Բեռլինում։
Տաթև Ֆռանգյան
