11.10.2026 | 21:39
Երևան-Սևան ճանապարհին մեքենան գլորվել է 20 մետր խորությամբ ձորը
Քարվաճառում ականի վրա պայթելու հետևանքով ադրբեջանցի է մահացել
Հասարակություն
15.07.2021 | 14:26
Արցախի գրավյալ տարածքներում ադրբեջանցիների ականի վրա պայթելու հերթական դեպքն է գրանցվել։ Ադրբեջանական լրատվամիջոցների հաղորդմամբ՝ Գյոյգյոլի շրջանի բնակիչ Ռամալ Օջագգուլուևը հուլիսի 14-ին պայթել է ականի վրա գյուղատնտեսական աշխատանքներ կատարելիս։ Նա մահացել է, հայտնել է Գյոյգյոլի շրջանային դատախազությունը։
Նշվում է, որ Օջագգուլուևը պայթել է հակատանկային ականի վրա այն տարածքում, որը հայտնի է որպես «Բանովշայի արոտավայր»։ Այն գտնվում է Գյոյգյոլի և Արցախի օկուպացված Քարվաճառի շրջանների միջև։
Դեպքի առնչությամբ հարուցվել է քրեական գործ գործ։
Հավելենք, որ օրերս էլ ադրբեջանցիների՝ ականի վրա պայթելու դեպքեր էին գրանցվել Արցախի գրավյալ Վարանդայի շրջանում (Ֆիզուլի)։
Վերջերս էլ Ադրբեջանի ԱԳ նախարար Ջեյհուն Բայրամովը հայտարարել էր, որ ռազմական գործողությունների ավարտից հետո մինչ այսօր Արցախի գրավյալ տարածքներում ականի վրա պայթելու հետևանքով մահացել է Ադրբեջանի 28 քաղաքացի, ավելի քան 120-ը՝ վիրավորում ստացել։
Էմմա Չոբանյան
