16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Բաքվում ևս 13 շիրակցի գերիների շինծու քրգործով հերթական նիստը հետաձգվել է
Քաղաքականություն
15.07.2021 | 13:15
Այսօր Բաքվի ծանր հանցագործությունների դատարանում կայանալիք ևս 13 շիրակցի ռազմագերիների շինծու քրեական գործով դատական նիստը հետաձգվել է։
Ադրբեջանական լրատվամիջոցների հաղորդմամբ՝ դատավոր Ֆայիգ Գանիևը հայտարարել է, որ «երկու մեղադրյալների պաշտպանները բացակայում են», այդ պատճառով էլ նիստը հետաձգվել է։
Ավելի վաղ տեղական լրատվամիջոցները հայտնել էին, որ այսօրվա նիստում սպասվում է գործի փաստաթղթերի ուսումնասիրություն և դատաքննության ավարտ։
Հաջորդ դատական նիստը նշանակվել է հուլիսի 29-ին։
13 հայ ռազմագերիներն են՝ Եղիշե Աստանյանը, Կարեն Արամյանը, Տիգրան Ավագյանը, Գրիգոր Գևորգյանը, Հովսեփ Մանուկյանը, Գևորգ Մարտիրոսյանը, Ռոբերտ Գևորգյանը, Վաղարշակ Ավետիսյանը, Վոլոդյա Հակոբյանը, Անդրանիկ Սուքիասյանը, Անդրանիկ Մանուկյանը, Գրիգոր Սաղաթելյանը, Էդուարդ Կիրակոսյանը։
Հայ գերիների այս խմբի շինծու քրգործի նախորդ դատական նիստը տեղի էր ունեցել հուլիսի 1-ին։ Բաքուն հայ ռազմագերիների նկատմամբ քրեական գործեր է հարուցել՝ ահաբեկչություն, դիվերսիա ու այլ հանցագործություններ կատարելու մեղադրանքով։
Նշենք, որ ավելի վաղ շիրակցի ևս 13 ռազմագերիների՝հուլիսի 12-ին կայանալիք շինծու քրգործով նիստն էր հետաձգվել, կրկին նույն պատճառով՝ «մեղադրյալներից մեկի փաստաբանի բացակայության»։
Էմմա Չոբանյան
