01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Մեղրիի նախկին համայնքապետը դատական հայց է ներկայացրել Կենտրոնական ընտրական հանձնաժողովի դեմ
Հասարակություն
14.07.2021 | 14:18
Մեղրիի նախկին համայնքապետ, «Հայաստան» դաշինքի պատգամավորի թեկնածու Մխիթար Զաքարյանը դատի է տվել Կենտրոնական ընտրական հանձնաժողովին: Այս մասին տեղեկանում ենք Դատական տեղեկատվական համակարգից:
Զաքարյանը երկու հայց է ներկայացրել Վարչական դատարան՝ պահանջելով անվավեր ճանաչել ԿԸՀ-ի հուլիսի 11-ի 186-Ա և 187-Ա որոշումները: Այդ որոշումներից մեկով հանձնաժողովը համաձայնություն է տվել նախկին համայնքապետի նկատմամբ քրեական հետապնդում հարուցելուն, իսկ մյուսով՝ նրա նկատմամբ կալանավորումը որպես խափանման միջոց ընտրելուն:
Հայցը ներկայացվել է հուլիսի 13-ին և մակագրվել Վարչական դատարանի դատավոր Միքայել Մելքումյանին։
Ռոզա Վարդանյան
