Քաղաքականություն
09.07.2021 | 21:38
ԱՄՆ նախագահ Ջո Բայդենն այսօր հետախոսազրույց է ունեցել ՌԴ նախագահ Վլադիմիր Պուտինի հետ, հայտնում է Սպիտակ տան մամուլի ծառայությունը:
«Երկու երկրների ղեկավարները բարձր են գնահատել իրենց թիմերի համատեղ աշխատանքը ԱՄՆ-Ռուսաստան գագաթնաժողովից հետո, ինչը հանգեցրել է ՄԱԿ-ի Անվտանգության խորհրդում Սիրիային անդրսահմանային հումանիտար օգնությունը վերսկսելու միաձայն ընդունված որոշմանը»,- ասված է հայտարարության մեջ:
Ջո Բայդենը նաև Վլադիմիր Պուտինի հետ խոսել է Ռուսաստանում գտնվող հանցագործների կողմից իրականացվող կիբերհարձակումների մասին, որոնք ազդել են ԱՄՆ-ի և աշխարհի այլ երկրների վրա: Նախագահ Բայդենը կրկնել է, որ Միացյալ Նահանգները կձեռնարկի ցանկացած անհրաժեշտ գործողություն շարունակական մարտահրավերների պայմաններում՝ իր ժողովրդին և իր կարևոր ենթակառուցվածքները պաշտպանելու համար:
