10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Ամուլսարը ստրատեգիական օբյեկտ է դարձել․ եթե այդ սարը չլինի, Ջերմուկն ուղիղ նշանակետում է լինելու. Նազելի Վարդանյան․ ՏԵՍԱՆՅՈՒԹ
Քաղաքականություն
07.07.2021 | 14:19
«Մենք կորցրել ենք հսկայական ծավալով ռեսուրսներ, էկոհամակարգեր, շատ աղբյուրներ արդեն անցել են հարևան երկրի վերահսկողության տակ: Եթե նախկինում այդքան ակտիվ չէին բարձրաձայնվում, այլ միայն մասնագիտական շրջանակներում էին խոսում բնապահպանական վնասի հատուցումից, ապա այս պատերազմից հետո Հայաստանի հարևաններն ավելի ակտիվացել են և բնապահպանական վնասների մասին են խոսում, որ ՀՀ գործունեության արդյունքում ջրեր են աղտոտվում, վնաս է պատճառվում իրենց շրջակա միջավայրին: Սա լուրջ խնդիր կարող է լինել մեզ համար: Եվ այսօր համար մեկ հարցը պետք է լինի մեր բնական էկոհամակարգերի պաշտպանությունը: Որևէ տնտեսական շահ չի կարող գերադասվել, քանի որ եթե մենք սա կորցնենք, ընդհանրապես երկիր ենք կորցնում: Սա արդեն կրիտիկական վիճակ է»,- այս մասին «Առողջության իրավունք. դատական հայցեր «Ախթալայի լեռնահարստացման կոմբինատ»-ի և այլ կազմակերպությունների դեմ» թեմայով քննարկման ժամանակ նշեց բնապահպան, փաստաբան Նազելի Վարդանյանը:
Նա ընդգծեց, որ այսօր Ամուլսարը դարձել է ստրատեգիական օբյեկտ. «Եթե այդ սարը չլինի, ուղիղ նշանակետում է հայտնվում Ջերմուկը, այդ սարն է, որ սահմանից պահում այդ տարածքի բնակչությանը: Այստեղ ոչ միայն էկոլոգիական անվտանգության խնդիր է, այլ ազգային, պետական անվտանգության խնդիր է»,- ասաց Ն. Վարդանյանը:
Մանրամասները՝ տեսանյութում:
