24.06.2026 | 05:04
ԱԱ-2026. Խորվաթիան տարավ առաջին հաղթանակը. ՏԵՍԱՆՅՈՒԹ
Արմեն Սարգսյանն ընտրվեց Հայաստանի չորրորդ նախագահ. դեմ քվեարկեցին 10 պատգամավոր
Քաղաքականություն
02.03.2018 | 12:07
Նախկին վարչապետ, Մեծ Բրիտանիայում Հայաստանի դեսպան Արմեն Սարգսյանն Ազգային ժողովի կողմից ընտրվեց Հայաստանի չորրորդ նախագահ: Քվեարկությանը մասնակցած 101 պատգամավորներից Արմեն Սարգսյանի օգտին կողմ է քվեարկել 90, դեմ՝ 10 պատգամավոր, 1 քվեաթերթիկ ճանաչվել էր անվավեր:
«Հայաստանի Հանրապետության նախագահը պաշտոնը ստանձնելու է Ազգային ժողովի հատուկ նիստում, որը հերթական ընտրության դեպքում գումարվում է Հանրապետության նախորդ նախագահի լիազորությունների ավարտման օրը։ Հետևաբար Ազգային ժողովի հատուկ նիստը կգումարվի ապրիլի 9-ին»,- հայտարարեց ԱԺ նախագահ Արա Բաբլոյանը՝ ինչին հաջորդեցին պատգամավորների ծափահարությունները:
ՀՀԿ-ի և ՀՅԴ-ի կողմից նախագահի թեկնածու առաջադրված Արմեն Սարգսյանի թեկնածությանը կողմ քվեարկելու մասին հայտարարել էր նաև «Ծառուկյան» խմբակցությունը, սակայն ինչպես պարզ դարձավ քվեարկության արդյունքներից, բացի «Ելք» խմբակցությունից, այլ խմբակցության պատգամավորներ ևս դեմ են քվեարկել: Նկատենք նաև, որ «Ելք»-ից երկու պատգամավոր՝ Էդմոն Մարուքյանն ու Սասուն Միքայելյանը, բացակա էին, ուստի ստացվում է, որ 10 դեմ ձայներից 3-ը այլ խմբակցությունից էին:
Մանրամասներն՝ ավելի ուշ:
Շողիկ Գալստյան
