22.01.2026 | 23:29
ՀՀ տարածքում կան փակ ավտոճանապարհներ, Լարսը բաց է
Գասպարիին արգելեցին մասնակվել Սեֆիլյանի և մյուսների գործով նիստին
Հասարակություն
02.03.2018 | 12:02
Այսօր Շենգավիթ վարչական շրջանի ընդհանուր իրավասության դատարանում պետք է կայանա «Հիմնադիր խորհրդարանի» առաջնորդ Ժիրայր Սեֆիլյայի եւ մյուսների գործով դատական նիստը։ Նախքան նիստի մեկնարկը դատարանի դահլիճ ներս մտնել չթույլատրեցին քաղաքացիական ակտիվիստ Վարդգես Գասպարիին: Նա մեզ հետ զրույցում ասաց, որ սա կամայականության դրսրևում է:
Դատական դեպարտամենտի լրատվական վարչության պետ Արման Խաչատրյանը նշեց, որ դատավոր Տաթևիկ Գրիգորյանի որոշմամբ Գասպարին հեռացվել է մինչ դատավարության ավարտը: Իրավապաշտպան Արթուր Սաքունցը, ով այսօր եկել է դատական նիստին մասնակցելու, պահանջեց համապատասխան փաստաթուղթ ներկայացնել, թե ինչու և որքան ժամանակով է Գասպարին հեռացվել նիստերի դահլիճից: Վերջինս պահանջին ի պատասխան ասացին, որ գրավոր դիմում ներկայացնի փաստաթղթերի ներկայացման պահանջով:
Լիլիթ Շաբոյան
