15.01.2025 | 13:40
Ստամբուլում մեկ օրում կեղծ ալկոհոլից 11 մարդ է մահացել
Կառավարությունը բացասական եզրակացություն է տվել համայնքային և պետական հողերի վրա ինքնակամ կառույցի օրինականացումը արգելող նախագծին. ՏԵՍԱՆՅՈՒԹ
Քաղաքականություն
30.06.2021 | 16:02
ԱԺ արտահերթ նիստում քննարկվում է «ՀՀ քաղաքացիական օրենսգրքում» փոփոխություն կատարելու մասին օրենքի նախագիծն առաջին ընթերցմամբ ընդունելու մասին հարցը: Ներկայացված նախագիծով արգելվում է համայնքային և պետական հողերի վրա ինքնակամ կառույցի օրինականացումը:
Կադաստրի կոմիտեի ղեկավարի տեղակալ Արման Պետրոսյանը հայտնեց, որ ՀՀ կառավարությունն այս օրինագծին բացասական եզրակացություն է տվել, քանի որ այն ունի մի շարք թերություններ։
«Նախատեսվում է, որ մինչ օրենքի ընդունումը կառուցված շինությունները համայնքի ղեկավարը կարողանալու է օրինականացնել, օրենքի ընդունումից հետո կառուցվածները` ոչ և որպես չափանիշ ընդունվելու է միայն օրենքի ուժի մեջ մտնելու ամսաթիվը: Որևէ կարգավորում չկա, թե ինչպես է որոշվելու ինքնակամ կառույցի՝ օրենքի ընդունումից առաջ կամ հետո կառուցված լինելու հանագամանքը… Սույն նախագծի ընդունումը չի ծառայի այն նպատակին, որի համար այն ընդունվում է:
Նախագծով նախատեսված չեն իրական կյանքում հաճախ հանդիպող տարբեր իրավիճակների դեպքում իրավակարգավորումներ: Օրինակ՝ նախագծում իրավակարգավորում չկա այն շինություների օրինականացման հարցի վերաբերյալ, որոնք մասամբ կառուցված են պետական կամ համայնքային հողի վրա, մասամբ՝ ֆիզիկական կամ իրավաբանական անձանց պատկանող հողամասերի վրա:
Խնդրահարույց է նաև ինքնակամ կիսակառույց շինությունների օրինականացման և դրա հետագա շարունակման վերաբերյալ դրույթը»,- նշեց Պետրոսյանը:
Մանրամասները՝ տեսանյութում:
