18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Արտահերթ ընտրության մասին խոսքն աջակիցներին հույս տալու փոքրիկ դրսևորում էր. Ալեքսանյանը՝ Քոչարյանին. ՏԵՍԱՆՅՈՒԹ
Քաղաքականություն
30.06.2021 | 15:34
Կանխատեսվում էր, որ այս ընտրություններում «Իմ քայլը» կստանա 54 տոկոս ձայն. այս մասին Factor.am-ի հետ զրույցում նշեց «Իմ քայլը» խմբակցության պատգամավոր Վահագն Ալեքսանյանը՝ հավելելով, որ այդ թիվն օդից վերցրված չէր, այլ վերցրված էր իրապես անկախ կազմակերպությունների և նաև իրենց պատվերով իրականացված հարցումների արդյունքներից:
Հարցին, թե պետության ու հանրության համար որքանով արդյունավետ կլինի նոր խորհրդարանի աշխատանքը՝ հաշվի առնելով, որ խորհրդարանում է լինելու նաև ընդդիմադիր «Հայաստան» դաշինքը, Ալեքսանյանը պատասխանեց, որ «Հայաստան» դաշինքի փոխարեն չի կարող ասել, բայց ՔՊ-ն խորհրդարանում ունենալու է միայն մեկ նպատակ՝ ուժերի ներածին չափով ծառայել Հայաստանի Հանրապետությանը և իրականացնել ռեֆորմներ կարևոր ոլորտներում:
Անդրադառնալով դիտարկմանը, որ Ռոբերտ Քոչարյանը երեկ «Հայաստան» դաշինքի առաջին ժողովի ժամանակ հայտարարել է, որ իր կանխատեսմամբ՝ մոտ 1,5 տարի հետո արտահերթ ընտրությունների պահանջ է առաջանալու, Ալեքսանյանը նշեց. «Արտահերթ ընտրության մասին խոսքն ընդամենը իր աջակիցներին կոնսոլիդացնելու կամ ինչ-որ մի հույս տալու փոքրիկ դրսևորում էր, ոչ ավելին»:
Մանրամասները՝ տեսանյութում:
