15.12.2025 | 17:13
Yandex Go-ի վարորդների բողոքի ակցիան. ՈւՂԻՂ
Արայիկ Հարությունյանն ընդունել է 44-օրյա պատերազմի ժամանակ անհետ կորած զինծառայողների մի խումբ հարազատների
Հասարակություն
29.06.2021 | 21:35
Արցախի Հանրապետության նախագահ Արայիկ Հարությունյանը հունիսի 29-ին ընդունել է 44-օրյա պատերազմի ժամանակ անհետ կորած զինծառայողների մի խումբ հարազատների։
Արայիկ Հարությունյանը հանդիպման մասնակիցներին ներկայացրել է որոնողական և այդ ուղղությամբ տարբեր խողովակներով իրականացվող աշխատանքների ընթացքը, դրանց հետ կապված ադրբեջանական կողմի առաջացրած խոչընդոտներն ու խնդիրները։
Արցախի նախագահն ընդգծել է, որ կառավարությունը, սերտ համագործակցելով ՀՀ կառավարության և ՌԴ խաղաղապահ զորակազմի հետ, անում է հնարավորը՝ անհետ կորածների ճակատագրերը պարզելու ուղղությամբ:
«Արցախի իշխանությունների համար գերիների վերադարձման ու անհետ կորած մեր հայրենակիցների ճակատագրերը պարզելու հարցը շարունակում է մնալ թիվ մեկ օրակարգային խնդիրը և այդ ուղղությամբ գործադրվում են բոլոր միջոցները դրական տեղաշարժ ունենալու համար»,- հավաստիացրել է Արայիկ Հարությունյանը:
