24.08.2026 | 21:14
Կառավարությունը ներկայացրել է 2026-2031 թթ․ գործունեության հիմնական ուղենիշները
Թուրքիայի և Ադրբեջանի միջև զգալիորեն աճել են երկկողմ և տարանցիկ փոխադրումները
Քաղաքականություն
29.06.2021 | 19:13
Թուրքիայի և Ադրբեջանի միջև երկկողմ և տարանցիկ փոխադրումների համար միատեսակ անցաթղթի քվոտան ավելացել է 31 տոկոսով՝ 35.000-ից հասնելով՝ 46.000-ի, իսկ երրորդ երկրի անցաթղթի քվոտան 2.500-ից՝ 3.000-ի. գրում է ermenihaber-ը:
Հունիսի 24-25-ին հանդիպում է տեղի ունեցել Թուրքիայի և Ադրբեջանի ցամաքային տրանսպորտի հարցերով խառը հանձնաժողովի անդամների միջև: Ադրբեջանական պատվիրակությունը գլխավորել է այդ երկրի տրանսպորտի, հաղորդակցության և բարձր տեխնոլոգիաների նախարարության ցամաքային փոխադրման վարչության պետ Հաբիբ Հասանովը:
Հանդիպմանը քննարկվել են երկու երկրների միջև միջազգային ցամաքային փոխադրումների, ինչպես նաև Կասպից ծովով փոխադրումների հարցերը:
Հաղորդվում է, որ Թուրքիայի և Ադրբեջանի միջև նոր ցամաքային փոխադրումներ իրականացնելու շուրջ աշխատանքներ են մեկնարկել:
